O slike, o filmija hem slična buča pomožinena pažljivo te pratini pe, o informacije pošukar te haljon pe hem te ačhon ki godi. O Jehova, o Najbaro Učitelj, koristindža odola buča te mothovi važna pouke (1Moj 15:5; Jer 18:1-6). Hem o Isus, o Baro Učitelj, čerža odova (Mt 18:2-6; 22:19-21). Ko zadnja nekobor berša najviše koristinaja o kratka filmija. Akava dela but šukar rezultatija. Da li šukar koristineja o filmija ked proučineja nekasa?

Isi deš kratka filmija kola šaj te koristine ked proučineja nekasa i brošura Šukar haberi ando Devel. O naslov ando kratko film but puča tano isto sar o pučibe kova tano pisimo pokalje slovenca ki brošura. Ki brošura ko elektronsko format isi link, kova podsetini tut ked valjani te mukhe disavo kratko film. Isto adžahar, isi hem avera kratka filmija kola dopuninena o glavna publikacije proučibase.

Da li tano pharo e manušese kasa proučineja te haljol disavi tema kolatar vačerena? Da li ov isi lje dijekh kušnja? Rode kratko film ki amari internet stranica jw.org® ja ki amari televizija, te šaj te arakhe o film kova šaj te pomožini ljese. Disave ando odola filmija šaj zajedno te dikhen hem palo odova te vačeren oljendar.

Svako masek ikljona neve kratka filmija. Dži dikheja ljen, razmislin sar šaj te koristine ljen ked sikaveja averen.