Šaj lokho te obeshrabrina amen sebepi o kušnje, pogotovo ako dićhola so but trajinena. Ked o kralj Saul progoninđa le, o David đanđa so odija kušnja ka ovel la po kraj, hem so jekh dive ov ka ovel kralj sar so obećinđa o Jehova (1Sa 16:13). E Davidese i vera pomožinđa te ovel strpljivo hem te ađićeri ko Jehova.

Ked hijam ki kušnja tegani šaj te mothova razboritost, mudrost hem te razmislina sar šaj te menjina amari situacija (1Sa 21:12-14; Psl 1:4). Ama, disave pharipa šaj te trajinen hem palo odova so primeninđam e biblijake načelija. Odolese, valjani te ova strpljiva hem te ađićera ko Jehova. Pana hari ov ka cidel sa amare dukha hem „ka kosel svako asvi“ ando amare jaćha (Ot 21:4). Bizo obzir da li amare kušnje ka nakhen odolese so o Jehova ka ćerel diso ili sebepi avera razlogija, jekh buti tani sigurno: svako kušnja isi la po kraj. Akava šaj ćaće te utešini amen!

DIKH O VIDEO O JEKHIPE MAŠKARO ULAVDE MANUŠA, HEM PALO ODOVA ODGOVORIN KO AKALA PUĆIBA:

• Kola pharipa hine len o phralja hem o phenja ko južno deo andi Amerika?

• Sar on mothovđe soj tane strpljiva hem so mangena jekh jekhe?

• Sar on hem ponodri ćerđe „o buća kola tane ćaće važna“? (Fp 1:10)