O Jehova mangela te služina lese odolese so mangaja le. (Mt 22:37, 38) O mangipe premalo Devel ka pomožini e učenikonđe te ćeren promene hem te aćhon zorale ked tane ko pharipe (1Jv 5:3). Isto ađahar, odova mangipe ka podstaknini len te krstinen pe.

Pomožin te učenikonđe te dikhen kobor o Jehova mangela len. Puć len: „So akalestar sikljiljan ando Jehova?“ ili „Sar akava mothovi kobor o Jehova mangela tut?“ Pomožin len te dikhen sar o Jehova pomožini lenđe (2Le 16:9). Vaćer lenđe sar o Jehova odgovorinđa ko te molitve hem ohrabrin len te primetinen sar o Jehova odgovorini ko olenge molitve. Ked dikhaja soj tane o učenikija uverime so o Jehova mangela len hem so on mangena te oven olese amala, amen hijam but bahtale.

DIKH O KRATKO VIDEO POMOŽIN E MANUŠENĐE KOLENCAR PROUČINEJA TE OVEN POPAŠE E JEHOVAJA HEM PALO ODOVA ODGOVORIN KO AKALA PUĆIBA:

• Savo pharipe hine la i Džejd?

• Sar i Nita pomožinđa laće?

• Sar i Džejd uspinđa te nakhavi odova pharipe?