Phenela pe soj tano o amal „neko koj tano tuvaja paše odolese so mangela tut hem cenini tut.“ Na primer, o Jonatan hem o David ulje but šukar amala palo odova so o David mudarđa e Golijate (1Sa 18:1). On duj ulje amala odolese so dikhlje jekh jekhese šuže osobine. Isto ađahar, o šukar amala valjani te penđaren jekh jekhe. Ko društvena mreže tano dovoljno te ćere jekh klik hem ka ovel tut but „amala“. Odothe o manuša šaj te razmislinen so ka phenen hem te pazinen sar avera ka dikhen len, ađahar šaj lokho te garaven save tane on ćaće. Odolese, valjani šukar te razmisline kas ka prihvatine te oven te amala. Ako neko kas ćaće na penđareja bićhali tuće zahtev te ovel to amal, ma dara so ka povredine le ako na prihvatineja le. Disave odlučinđe te na ovel len društvena mreže, odolese so šaj te oven ki opasnost. Ama, ako odlučineja te koristine disavi društveno mreža, ko so valjani te pazine?

DIKH O VIDEO PAZIN SAR KORISTINEJA O DRUŠTVENA MREŽE HEM PALO ODOVA ODGOVORIN KO AKALA PUĆIBA:

• Sostar valjani te razmisline angleder so ćhiveja dijekh slika ili nesavo komentari ki društveno mreža?

• Sose valjani te pazine ko ka oven te amala ki društveno mreža?

• Sose valjani te odredine kobor vreme ka ove ki društveno mreža? (Ef 5:15, 16)