Isi amen štar videa aso biblijako kurs kola koristinaja ki služba. Sose tane on ćerde?

• O video Sose te sikljove andi Biblija? (pobaro film) tano ćerdo te barjaćeri e manušengo zanimanje asi Biblija bizo obzir ko so on verujinena. Odova video podstaknini e manušen te roden ki Biblija o odgovorija ko važna pućiba hem mothovi so sa o odgovorija andi Biblija tane logična. O video objasnini sar šaj neko te rodel te proučini i Biblija.

• O video Sose te sikljove andi Biblija? tano slično sar o pobaro video, samo tano hari potikno hem ćerdo tano e manušenđe kola nane len but vreme.

• O video Sar šaj te sikljova andi Biblija? tano ćerdo te barjaćeri e manušengo zanimanje aso besplatno biblijako kurs hem dela odgovorija ko disave pućiba kola o manuša isi len ando biblijako kurs, sar soj tano sar te roden te proučinen i Biblija.

• O video Šukar aljan ko toklo biblijako kurs valjani te mukhel pe okolenđe kola već proučinena i Biblija. Iako o video pomini pe ki dujto strana andi knjiga Ov bahtalo zauvek! šaj te mothova le hem ako proučinaja nekasa i brošura Ov bahtalo zauvek! O video šukar objasnini sar koristini pe i knjiga hem sar izgledini e biblijako kurs.

Aso svako video isi razlog sose tano ćerdo hem kase tano ćerdo. Ama, odova na značini so našti te mukha len e manušenđe ja te bićhala len ki disavi aver prilika. Podstakninaja sarinen šukar te penđaren akala videa te šaj pana pošukar te koristina len ki služba.