Avdije isi sa pobuter prirodna katastrofe. Ked ovela disavi prirodno katastrofa važno tano te pomožini pe ko jekh organizujimo način. Sebepi odova, o Vodeće telo organizujinđa ki svako podružnica te ovel Odbor asi humanitarno pomoć.

Ked ovela disavi prirodno katastrofa, o phralja ando odova odbor, odmah vićinena e starešinen ando odova than te dikhen savi pomoć valjani e phralenđe. Ako i šteta tani odobor bari so o objaviteljija našti kokri te rešinen o problemi, tegani i podružnica ka bićhali e phralen te pomožinen olenđe. Odola phralja ka phenen ako valjani lenđe dobrovoljcija, ka ćinen o buća hem ka organizujinen sa so valjani.

Ako na laja o buća ko amare vasta već poštujinaja odola smernice, tegani na ka ovel so na đanđola pe ko-so ćerela, na ka forda amare pare hem na ka ćera duplo buti.

O phralja, kas i podružnica ćhivđa te pomožinen, ka odlučinen kobor pare hem kobor dobrovoljcija ka valjani lenđe. Isto ađahar, podijekh puti on ka vaćeren nekasa andi opština te šaj posigate te završinen disavi buti. Odolese, na valjani amen kokri te ćeda pare, te bićhala humanitarno pomoć ja te đa ko than kaj hine i prirodno katastrofa.

Naravno, ked ovela disavi prirodno katastrofa, sare amen mangaja te pomožina (Jev 13:16). Amen mangaja amare phralen! So šaj te ćera? Najvažno tano te molina amen e phralenđe kola doživinđe odija prirodno katastrofa hem e phralenđe kola pomožinena len. Isto ađahar, šaj te da amare prilogija. O Vodeće telo dela smernice e phralenđe ki podružnica. Odolese, on najšukar đanena kaj amare prilogija najviše ka pomožinen. Ako mangeja te pomožine, pher i Molba za dobrovoljca za lokalno projektovanje i gradnju (DC-50).

DIKH O VIDEO I POPLAVA KO BRAZIL, HEM PALO ODOVA ODGOVORIN KO AKAVA PUĆIBE:

Sar upro tute utičinđa ked dikhljan sar amare phralja pomožinđe pali poplava ko Brazil ko 2020. berš?