Pana hari ka avel o krajo ando Jehovaso strpljenje. Anglo amende tane but važna događaja. O religije kola lađaćerena e Devle ka oven uništime, i koalicija ando narodija ka napadini e Devlese narodo hem o lošna manuša ka oven uništime ko Armagedon.

Amen na đanaja sa o detaljija andi bari nevolja. Na primer, na đanaja tačno ked ka počmini. Na đanaja kola razlogija o politička vođe ka ovel len te napadinen e religija. Na đanaja kobor dugo ka trajini o napad upro Devleso narodo hem so sa ka ovel. Isto ađahar, na đanaja tačno so o Jehova ka koristini ked ka uništini e lošno manušen ko Armagedon.

Ama, ko Devleso Lafi pisini sa so valjani te đana te šaj te ova sigurna so tegani ka ova zaštitime hem te na dara so god te ovel. Na primer, đanaja so živinaja ko krajo ando „poslednja dive“ (2Ti 3:1). Đanaja so o napad upri religija ka ovel „skratimo“ te na bi ovela uništimi i ćaćutni religija (Mt 24:22). Đanaja so o Jehova ka spasini pe narodo (2Pe 2:9). Isto ađahar, đanaja so okova kas o Jehova birinđa te uništini e lošnonen hem te izbavini okolen soj tane šukar, tano pravedno hem moćno (Ot 19:11, 15, 16).

Ked sa odova ka ovel, o manuša but ka daran. Ama, ako čitinaja hem ako razmislinaja odolestar sar o Jehova angleder zaštitinđa pe narodo, hem ando odova so sa ađićeri amen ki budućnost, šaj te „terđova hem te vazda amaro šero“ hem te ova sigurna so amaro spasenje tano paše (Lu 21:26, 28).