O Isus šaj hine te vačeri neformalno e Samarićanka, sebepi so ov prvo počmija te vačeri ola. Sar šaj te čera pošukar amari služba ked počmina te vačera e manušenca koljen na pendžara?

• Ov amal hem vačer e manušenca. Iako o Isus hine čhindo, ov prvo počmija te vačeri adžahar so pučlja te delje pani. Tu šaj te počmine te vačere e manušenca adžahar so ka puče sar tane, so čerena, a palo odova šaj te vačeren ando čhave, buti, familjija ja ando diso so ulo akana sigate. Ma bistre, ko jekhto than tano te počmine te vačere, odoljese vačer andi bilo savi tema koja šaj te ovel šukar e manušese. Ako ov na šunela, tegani rode avere kova mangela te šunel. Isto adžahar, moljintu e Jehovase te pomožinitu (Ne 2:4; Čer 4:29).

• Ked avela dži odova te vačere o šukar haberi ov spremno te čere odova, ama ma sidžar. Ov prirodno dži vačereja e manušeja. Ako sidžareja, tegani šaj e manušese na ka ovel šukar hem na te mangel te vačeri tuva. Ma te ovelče pharo ako o manuš čhinavi te vačeri tuva angljeder te vačere o šukar haberi. Ako tano tuče pharo te vačere o šukar haberi neformalno, tegani samo vežbin te vačere džikasa. [Muk hem vačer e publika kotar 1. film.]

• De sa tutar te avel dži odova te vačere o šukar haberi, adžahar so ka vačere kotar tiklji vera kova ka čhivel e manuše te pučel pobuter. O Isus vačerdža nekobor buča kola čhidže e Samarićanka te pučel pobuter. Ko krajo ked vačerdža olače o šukar haberi, tegani šaj hine te odgovorini ko olake pučiba. [Muk hem vačer e publika kotar 2. film, a palo odova muk hem vačer e publika kotar 3. film.]