Ko masek novembar, ka da sa amender te vaćera i šukar vest soj tano paše o pošukar sveto (Ps 37:10, 11; Ot 21:3-5). Ćer tuće raspored te šaj so pobuter te učestvujine ki akija akcija. Ako mangeja te ove pomoćno pioniri ko odova masek šaj te birine te ćere 30 ja 50 satija.

Pripremin jekh stih kova vaćeri ando nevo sveto hem vaćer olestar so pobuter manušenđe. Ked birineja kova stih ka čitine razmislin so najviše ka utičini upro manuša ko toklo područje. Ako neko kasa vaćereja prvo puti mothovi zanimanje, de le i Stražarsko Kula, izdanje asi javnost br. 2/2021. Palo odova, posetin le so posigate hem probin te počmine te proučine oleja i brošura Ov bahtalo zauvek! Kobor samo hijam radosna ked ćeraja sa so šaj te vaćera i „šukar vest kotar diso pošukar“ (Is 52:7).

DIKH O MUZIČKO SPOT U NOVOM SVETU TOM HEM PALO ODOVA ODGOVORIN KO AKALA PUĆIBA:

• Savi šuži budućnost zamislini akija tikni ćhaj?

• So jedva ađićereja te ćere ko nevo sveto?

• Sar odova so razmislineja andi nada šaj te pomožini tut te de sa tutar ki akcija ko masek novembar? (Lu 6:45)