I početno strana kotar amaro veb-sajt hem o videa tane ćerde te šaj te resen đi e manušengo vilo (Del 13:48). Odothe često isi teme kolendar o manuša šunena ko vestija ja kolendar o manuša razmislinena hem vaćerena.

Sar šaj tu ki služba te koristine i početno strana kotar amaro sajt jw.org?

• Redovno dikh so isi ko amaro sajt. Dikh o buća ko deo „Birime“ hem razmislin sar šaj odova te koristine te pomožine e zainteresovano manušenđe. (Te šaj te arakhe avera buća kola hine ko odova deo, đa ko „Dikh pobuter“.) Ako redovno dikheja so isi ko amaro sajt, odova ka pomožini tuće te ovel tut neve ideje asi služba.

• Koristin o člankija hem o videa andi početno strana te šaj te počmine te vaćere nekasa. Odova materijal šaj te pomožini amen te haljova sostar o manuša razmislinena.

• Mothov e manušenđe i početno strana. Mothov e manušese disave teme hem sar šaj te koristini o sajt.

• Bićhal o link. Disave manuša šaj na mangena uživo te vaćeren amencar, ama šaj mangena te dikhen so isi ko amaro sajt. Odolese, ked arakheja zainteresime manušen, bićhal olenđe o link ando amaro sajt ja ando disavo članko ja video.