1. PRIČA
O Devel čerdža o nebo hem i Phuv
O Jehova tano o Devel kova čerdža amen. Ov čerdža sa, čerdža o buča so šaj te dikha hem o buča so našti te dikha. Angljeder te čerel o buča so šaj te dikha, ov čerdža but, but anđelija. Da li džaneja koj tane o anđelija? On služinena e Jehovase hem slična tane sar oljeste. Amen našti te dikha ljen, isto sar so našti te dikha e Jehova. O prvo anđeo kolje čerdža o Jehova ulo oljeso pomoćniko. Akava anđeo pomožindža e Jehovase ked čerdža o zvezde, o planete hem sa avera buča. Jekh ando odola planete tani i Phuv, jekh but šužo than kaj živinaja.
Palo odova, o Jehova spremindža i phuv te šaj koro late te živinen o manuša hem o životinje. Ov čerdža o Kham te del svetlost e phuvjače. Isto adžahar, čerdža o planine, o okeanija hem o reke.
So ulo palo odova? O Jehova phendža: „Ka čerav i čar, o kašta hem avera biljke.“ Tegani, andi phuv počmindža te bajrol razno voće, povrće hem luludža. Palo odova, o Jehova čerdža razna životinje, sar soj tane o životinje so letinena, so plivinena, so prastana hem so ripinena ki phuv. Disave tane tikne, sar soj tane o šošoja, a disave tane bare, sar soj tane o slonija. Koja životinja tu najviše mangeja?
Palo odova, o Jehova phendža e prvone anđelese: „Hajde te čera e manuše.“ O manuša valjandže te razlikujinen pe ando životinje. Ov manglja on te čeren razna buča, te vačeren, te ko hine o prvo manuš? Hajde te dikha.
asan hem te molinen pe. Isto adžahar, ov manglja on te brininen pe andi phuv hem ando životinje. Džaneja li„Ko početko o Devel čerdža o nebo hem i phuv“ (Postanak 1:1)