Uvod ko 2. deo
Sose ko purano vreme o Jehova uništindža o sveto potopeja? Pana kotar početko, ked čerdža e prvo manušen, počmindža jekh borba maškar o šukar hem o lošno. Disave manuša, sar soj tane o Adam, i Eva hem oljengo čhavo o Kain, birindže te oven lošna. A avera, sar soj tane o Avelj hem o Noje, birindže te oven šukar. Ama, pobuter manuša ulje odobor lošna so o Jehova morandilo te uništini ljen. Akava deo ka pomožini amen te sikljova so o Jehova dikhela so ka birina hem niked na ka dozvolini o lošnipe te pobedini o šukaripe.
KO AKAVA DEO
3. PRIČA
O Adam hem i Eva na šundže e Devlje
Sose jekh ando sa o kašta ko edensko vrt hine posebno ando avera? Sose i Eva halja ando odova kaš?
4. PRIČA
I holji šaj te ovel but opasno
O Devel prihvatindža e Aveljesi žrtva, a na e Kainesi. Ked o Kain dikhlja odova, but holjandža hem čerdža diso but strašno.
5. PRIČA
E Nojesi arka
Ked o lošna anđelija ljelje pese romnjen ki phuv, on hine ljen bare hem nasilna čhave. O lošnipe hine kotar na. Ama, o Noje hine averčhane – ov manglja hem šundža e Devlje.
6. PRIČA
Ofto džene spasindže pe ko Potop
Ko Potop dželo boršim 40 dive hem 40 rača. O Noje hem oljesi porodica hine ki arka pobuter ando jekh berš. Ko krajo, o Devel phendža ljendže te ikljon olatar.
