Uvod ko 5. deo
Duj masek palo odova so nakhlje o Crveno more, o Izraelcija reslje ki planina Sinaj. Odothe o Jehova čerdža savez ja dogovor e Izraelcencar te oven oljeso narodo. Ov zaštitindža e Izraelcen hem dindža ljen sa so valjani ljendže – mana hajbase, šeja so na pharavdžona hem na purandžona hem bezbedno than kuri te živinen. Ako isi tut čhave, pomožin ljendže te haljon sose o Jehova dindža e Izraelcendže o zakon, o sveto šator hem e sveštenikonen. Naglasin kobor tano važno te ičera amen ko lafi, te ova ponizna hem te ova uvek verna e Jehovase.
KO AKAVA DEO
23. PRIČA
O Izraelcija dena obećanje e Jehovase
O Izraelcija dindže posebno obećanje e Devljese ked hine ki planina Sinaj.
24. PRIČA
O Izraelcija na ičerdže pe ko odova so obećindže
Dži o Mojsije dželo te ljel o deš zapovestija, o Izraelcija čerdže but baro greh.
26. PRIČA
Dešuduj manuša kola dželje te dikhen i phuv
O Isus Navin hem o Halev razlikujindže pe ando avera uhodija kola dikhlje i phuv Hanan.
27. PRIČA
Disave bunindže pe protiv o Jehova
O Korej, o Datan, o Aviron, hem avera 250 manuša bunindže pe protiv o Mojsije hem o Aron.
