Uvod ko 7. deo
Ko akava deo pisini ando kralj Saul hem ando kralj David ko period ando 80 berš. Ko početko, o Saul hine ponizno hem darandilo ando Jehova, ama hari palo odova ov menindža pe hem na šundža e Jehova. O Jehova odbacindža lje hem palo disavo vreme vačerdža e Samuilese te pomazini e Davide te ovel kralj kova ka vladini ko Izrael palo Saul. O Saul hine ljubomorno hem manglja te mudari e Davide, ama ov nijekh puti na irindža ljese lošnipaja. O Jonatan, e Sauleso čhavo, džandža so o Jehova birindža e Davide hem odoljese hine ljese verno. O David čerdža nekobor phare grehija, ama uvek prihvatindža e Devljese savetija. Ako isi tumen čhave, pomožinen ljen te haljon kobor tano važno uvek te šunen e Jehova hem okoljen kas ov čhivdža te vodinen amen.
KO AKAVA DEO
39. PRIČA
O prvo kralj ko Izrael
O Devel dindža e Izraelcendže sudijen te vodinen ljen, ama on rodindže te ovel ljen kralj. O Samuilo pomazindža e Saule te ovel o prvo kralj, ama palo disavo vreme o Jehova odbacindža e Saule. Sose?
40. PRIČA
O David hem o Golijat
O Jehova birindža e Davide te ovel aver kralj ko Izrael, a o David mothovdža so o Jehova na grešindža so birindža lje te ovel kralj.