14. Ov pošteno ko sa o buča
1. AMEN ŽIVINAJA KO NEPOŠTENO SVETO
„Hovajbe vačerena jekh jekhese [...] hem vačerena podelime viljeja“ (Psalam 12:2).
So šaj te pomožini amen te ova iskrena kokri amencar?
-
O Jehova mangela te ova iskrena kokri amencar hem averencar.
-
Psalam 139:23, 24; Jakovljeva 1:23-25
Ked molinaja amen hem ked čitinaja i Biblija, tegani šaj te dikha save hijam čače hem te menina amen.
2. KED HIJAM POŠTENA KI PORODICA TEGANI ISI AMEN MIR HEM JEKHIPE
„Na džava koro okola kola garavena save tane“ (Psalam 26:4).
Sose tano važno te ova poštena ki porodica?
-
Ked hijam poštena ki porodica, odova barjari o poverenje. Sare ki porodica valjani te oven poštena jekh jekheja, čak ked tano pharo.
-
Ked o čhave dikhena so oljenge roditeljija tane poštena, polokho ka ovel hem oljendže te oven poštena.
3. E SKUPŠTINAČE BUT KORISTINI KED HIJAM POŠTENA
„E Jehovase tano odvratno o lošno manuš, a paše tano okoljencar so isi ljen iskreno vilo“ (Poslovice 3:32).
Sose tano važno te ova iskrena amare phraljencar hem phenjencar ki skupština?
-
Poslovice 10:19; Kološanima 4:6
Amen mangaja uvek te vačera o čačipe, ama amare lafija valjani te oven ljubazna.
-
Levitska 5:1; Jevrejima 13:17; Jakovljeva 5:14, 15
Ked hijam iskrena e starešinencar, tegani on šaj te pomožinen amen.
-
Jeremija 32:9-12; Efešanima 6:5-8
Ako čeraja buti amare phraljencar hem phenjencar, valjani te ova poštena ko sa o buča, šukar te ponašina amen premalo oljende hem te ičera amare dogovorija.
4. KED HIJAM POŠTENA ODOVA UVEK KORISTINI AMENDŽE
„Pošukar tano te birine šukar nav, nego baro barvaljipe“ (Poslovice 22:1).
Kuri sa ko amaro dživdipe valjani te ova poštena?
-
Psalam 37:21; Matej 22:17-21; Rimljanima 13:1-7; Efešanima 4:25, 28
Amen hijam poštena ki buti, ko sa o poslovna buča, ko testija ki škola hem ked pheraja o formularija.
Sose tano pošukar te ova poštena, nego te ova barvalje?
-
Psalam 15:1, 2; Poslovice 11:1; 1. Timoteju 6:9, 10
But tano vredno ked hijan pendžarutno sar pošteno manuš hem ked avera šaj te osloninen pe upro tute. Ked hijam poštena, tegani isi amen čisto savest. O Jehova cenini sa so čeraja te ova poštena.
