15. Ov bahtalo ki ti buti
1. O JEHOVA ČERDŽA E MANUŠEN TE MANGEN TE ČEREN BUTI
„Svako manuš te hal hem te pijel hem te ovel bahtalo ko sa so čerela. Odova tano poklon ando Devel“ (Propovednik 3:13).
Sose tani i buti poklon ando Devel?
-
Postanak 1:1, 31; Propovednik 2:24; Jovan 5:17
O Jehova but čerela buti. Ov mangela pi buti hem mangela amen te manga amari buti.
-
Poslovice 8:22-31; Kološanima 1:15-17
Isto adžahar, hem o Isus hine but bučarno hem ko nebo hem ki phuv.
-
Marko 6:3; Luka 21:37, 38; Jovan 4:31-38; 17:4
O Isus but šukar čerdža pi buti hem čerdža sa so hine oljese dindo, čak ked odova na hine lokho.
2. AMEN ŠAJ TE SIKLJOVA TE MANGA AMARI BUTI
„Da li dikhljan e manuše kova džanela šukar te čerel pi buti? Asavko manuš ka terdžol anglo kraljija“ (Poslovice 22:29).
So ka pomožini amen te manga amari buti?
-
Poslovice 12:24; Kološanima 3:22-24; Jevrejima 13:18
Iako šaj našti te menina amari buti, amen šaj te sikljova te manga la. Isto adžahar, amen mangaja te ova poštena hem bučarne.
-
Poslovice 27:11; 1. Timoteju 5:8; 1. Petrova 2:12
Tu šuneja e Devlje, ked materijalno brinineja tut te porodicatar. Ked tu šukar ponašineja tut ki buti, odova anela čast e Jehovase.
-
Izlazak 20:13-15; Poslovice 2:6; Rimljanima 14:19-22; Efešanima 5:28–6:4; 1. Jovanova 5:3; Otkrivenje 18:4
Ked khuvaja ki buti, i Biblija šaj te pomožini amen te haljova sar odija buti ka utičini upro amende, ki amari porodica, ko avera phralja hem phenja hem soj tano najvažno upro Jehova.
3. KED DŽANAJA SOJ TANO NAJVAŽNO TEGANI KA MANGA AMARI BUTI
„Prosudinen soj tano najvažno“ (Filipljanima 1:10).
So valjani te ovel amendže najvažno?
-
Psalam 37:25; Poslovice 3:5, 6; 1. Petrova 5:7
Nek ovel tut poverenje ko Jehova, sose ov džanela so valjani tuče svako dive.
-
Matej 6:25-32; 1. Timoteju 6:8-10; Jevrejima 13:5
Sikljov sar te ove zadovoljno odoljeja so već isi tut.
-
Poslovice 10:22; Matej 6:33; 28:19, 20; Jevrejima 10:24, 25
De sa tutar te služine e Jehovase hem te propovedine o šukar haberi. Akija tani i najvažno buti koja valjani te čere.
