16. Suprotstavinen tumen e Bengese
1. O SVETO TANO KO E BENGESE VASTA
„Celo sveto tano ko e Lošnonese vasta“ (1. Jovanova 5:19).
Soj tano e Bengeso cilj?
-
O Beng mangela te rumini amaro šukar odnos e Jehovaja.
-
Ov tano but holjamo ked dikhela so o manuša ovena popaše e Jehovaja hem mangena lje.
2. MA DARA ANDO BENG
„Oven podložna e Devljese, a protivinen tumen e Bengese, hem ov ka našel tumendar“ (Jakovljeva 4:7).
Sar džanaja so šaj te borina amen protiv o Beng?
-
O Jehova na dozvolini e Bengese te čerel amendže sa so ov mangela. O Devel dindža po lafi so o baro mnoštvo ka khuvel ko nevo sveto.
-
Ked amen hijam paše e Jehovaja, o Beng našti te rumini amaro šukar odnos Oljeja.
-
1. Korinćanima 10:13; Jevrejima 11:4-40
O Jehova dela amen po lafi so ka pomožini amen te ačhova verna, sar so pomožindža amen but putija angljeder.
3. ARAKH TUT ANDO E BENGESE ZAMKE
„Oljese namere nane amendže bipendžarutne“ (2. Korinćanima 2:11).
Kola zamke o Beng koristini?
-
Jovan 15:19; Otkrivenje 12:12, 17
Celo sveto tano ko e Bengese vasta, ama e Jehovaso narodo nane. Odoljese ov baš amendže čhivela zamke.
-
Postanak 3:1; Galatima 5:19-21; Efešanima 6:12
O Beng mangela te arakhel kuri hijam slaba te šaj amare slabostija te koristini protiv amende.
-
Levitska 19:26; Isaija 1:13, 15; Marko 5:25, 26
Ov oprezno ked birineja sar ka lečine tut. E manušese šaj te ovel odobor pharo hem šaj jedva ka adžičeri te sačol, so šaj te perel ki zamka te koristini o lečenje kuri isi magija.
-
Ponovljeni zakoni 18:10-12; Dela apostolska 19:19; Galatima 6:7; Otkrivenje 21:8
O demonja but mangena ked dikhena so neko but mangela te džanel andi i magija. Tegani, o demonja odova iskoristinena. Ako amen khuvaja ko demonska buča, tegani na ka ova verna e Jehovase.
4. MA VAČER AVERENDŽE ANDO E BENGESE HOVAJBA
„O Beng [...] tano hovavno hem o dad ando hovajbe“ (Jovan 8:44).
Sar šaj amen te vačera averendže ando e Bengese hovajba?
-
Rimljanima 1:11, 12; 2. Timoteju 2:16
Ked o manuša vačerena priče ando Beng hem ando demonja, tegani on dičhona pozoralje nego soj tane on čače. Amen na valjani te vačera priče koljendar o manuša ka daran, nego valjani te ohrabrina jekh jekhe.
-
Ked amen džanaja kola tane e Bengese zamke, tegani amen šaj te suprotstavina amen oljese hem te ačhova paše e Jehovaja.