„Odoljese perava ko kočija anglo Dad, sose ov čerdža te ovel svako porodica ko nebo hem ki phuv“ (Efešanima 3:14, 15).

Sose o Jehova mangela te poštujina o način ko kova i porodica tani organizujimi?

• Poslovice 10:1

  O Jehova čerdža i porodica te ovel jekh sigurno than kuri o čhave šaj te barjon hem svako oljendar te ovel bahtalo.

• Poslovice 1:8; 1. Korinćanima 11:3; Efešanima 6:1-3; 1. Petrova 3:1

  I porodica isi la blagoslovija ked svako oljendar poštujini piklji uloga.

„O Hrist tano poglavari e skupštinače“ (Efešanima 5:23).

Sose valjani te poštujina o način sar i skupština tani organizujimi?

• Matej 24:45-47

  O Isus prekalo „o verno hem razborito robo“ brinini pe e Devljese slugendar kola tane ki phuv.

• 1. Solunjanima 5:12; Jevrejima 13:17

  O starešine hem o sluge pomoćnikija pomožinena e skupštinače te ačhol zoralji. Amen mothovaja so poštujinaja e Jehovaso autoritet ked sarađujinaja akalje phraljencar.

• Dela apostolska 20:28

  Ked amen podupirinaja sa o buča so čerena pe ki skupština, odova koristini sarinendže. Adžahar o Jehova organizujindža o buča te šaj te služina oljese.

„Nane vlast koja nane ando Devel. Svako vlast koja postojini o Devel čhivdža la ko olako than“ (Rimljanima 13:1).

Sar šaj te mothova so poštujina o vlastija?

• Matej 5:16; 1. Petrova 3:15

  Amen mothovaja so poštujina ljen odoljeja so vačeraja hem so čeraja. Odova slavini e Jehova.

• Dela apostolska 26:2, 25; Rimljanima 12:17, 18

  O hrišćanja šunena o zakonja ki phuv kuri živinena. On uvek poštujinena ljen, iako šaj na ponašinena pe premalo ljende šukar.

• Rimljanima 13:1-4

  E biblijake načelija šaj te pomožinen tut te šune okoljen so isi ljen autoritet.

• Matej 22:37-39; 26:52; Jovan 18:36; Dela apostolska 5:27-29; Jevrejima 10:24, 25

  Ako i vlast rodela tutar te čere diso soj tano protiv e Devljeso zakon, tegani tu valjani te odlučine kas ka šune.