7. Da li cenineja o dživdipe sar o Devel?
1. O DŽIVDIPE TANO DRAGOCENO E JEHOVASE
„Tutar avela o dživdipe“ (Psalam 36:9).
Sose ko dživdipe valjani te dikha sar jekh dragoceno poklon?
-
Postanak 1:27; Psalam 19:7-11; Poslovice 2:6-11
O Jehova čerdža sa so isi ki phuv hem e manušen. Amen hijam dragocena oljese hem ov odoljese mangela svako manuš te ovel bahtalo hem te ovel lje šukar dživdipe.
-
Rimljanima 14:12; Galatima 6:5
O Jehova na čerdža amen te ova sar robotija. Ov dindža amen slobodno volja hem čerdža amen te ova sposobna te ana odluke koljencar ka mothova kobor ceninaja o dživdipe.
2. O RAT TANO SVETO E JEHOVASE
„Sose i duša e telosi tani ano rat“ (Levitska 17:11).
Sar o Jehova dikhela ko rat?
-
Levitska 17:10; Poslovice 13:16; Dela apostolska 15:20; Rimljanima 12:2
Šaj te ava dži i situacija kuri amendar šaj te rodel pe te ana ozbiljna odluke ando disave medicinska postupkija kuri tano uključimo o rat. Isto adžahar, šaj ka valjani te odlučina da li ka la o frakcije ando rat. Avera našti te odlučinen ko amaro than. Angljeder so ka ava ki asavki situacija, amen valjani te molina amen so te čera hem te istražina so vačeri pe odoljestar.
-
Postanak 9:4, 5, 9; Ponovljeni zakoni 12:16; Dela apostolska 15:28, 29
Ki Biblija, o rat predstavini o dživdipe. E Devljeso zakon ando rat niked na menindža pe. Odova zakon na menindža pe ni ko e Nojeso vreme, ni ked o Jehova dindža e Izraelcendže e Mojsijeso zakon, pa ni ko prvo veko.
3. AMEN VALJANI TE DIKHA KO DŽIVDIPE SAR SO O JEHOVA DIKHELA
„Meklje drumija tane pouče ando tumare drumija hem meklje mislija ando tumare mislija“ (Isaija 55:9).
Sar amen mothovaja so o dživdipe tano dragoceno amendže?
-
Svakoneso dživdipe tano važno e Jehovase. O abortus tano neispravno odoljese so e Devljese, čak hem o čhavoro kova pana na bijandilo tano dživdo manuš.
-
Psalam 103:8-14; Dela apostolska 3:19; Efešanima 1:7
Ako jekh romni angljeder čerdža abortus, ama akana kajini pe, o Jehova ka oprostini lače.
-
Psalam 11:5; Propovednik 11:9, 10
Amen mothovaja so poštujinaja o dživdipe adžahar so cidaja amen kotar opasno sport, rizična situacije ja nasilje. Isto adžahar, amen pazinaja amaro čher hem amare vorda te oven bezbedna.
4. ANGLO E JEHOVASE JAČHA E BENGESO SVETO TANO KRIVO E RATESE
„Dikhljum so i romni tani mati ando rat e sveto manušengi“ (Otkrivenje 17:6).
Sose tano e Bengeso sveto krivo e ratese?
-
Milionija manuša hine mudarde sebepi i religija, i politika hem i pohlepa.
-
Matej 24:14; Jovan 17:16; Dela apostolska 20:26, 27
O hrišćanja ačhona neutralna hem na podupirinena ni jekh organizacija koja tani povezimi e maribaja hem e mudaribaja. Amen pomožinaja e manušendže te dobinen o dživdipe, adžahar so vačeraja oljendže o šukar haberi ando Kraljevstvo.
