„Oven čista, tumen so akharena o čare ando Jehovaso čher“ (Isaija 52:11).

Sar šaj amaro obožavanje te ovel čisto?

• 1. Korinćanima 10:21; Jakovljeva 1:27

  Amen na ičeraja o adetija, o tradicije niti verujinaja ko buča kola tane povezime e hovavne religijaja.

• Levitska 11:44; Malahija 3:6

  O Jehova zaštitindža peklje narodo, adžahar so dindža ljen zakonja hem načelija.

„Te očistina amen ando svako melaljipe, ando telo hem duho“ (2. Korinćanima 7:1).

Kola navike o Jehova na mangela te čera?

• Matej 22:39; Dela apostolska 17:25; Titu 3:1

  Ma čer diso so lošno ka utičini ko toklo telo hem so ka skratini to dživdipe, sar soj tano te pije cigare, te mačove ja te drogirine tut. Odoljese so poštujinaja amaro hem averengo dživdipe hem o zakonja ki amari phuv, amen na ka čera ništa so lošno ka utičini koro amende.

• Rimljanima 7:21-25

  Čak iako tano pharo te cida amen ando lošna navike, amen na predajinaja amen. Ked o Jehova pomožini amen, amen šaj te pobedina.

„Marava moklo telo hem ičerava lje te šunel man sar o robo“ (1. Korinćanima 9:27).

So ka pomožini amen te čhinava o lošna navike?

• Matej 6:13

  Molin tut te šaj o sveti duh te pomožini tut te cide tutar o neispravna želje.

• 1. Petrova 4:3, 4

  Ma družin tut e manušencar, ma dikh o filmija, ma šun o džilja kola ka čeren te ovel tuče popharo te borine tut protiv o lošna navike.

• Rimljanima 12:1, 2

  Ov spremno te objasnine averendže sose tu birindžan diso te na čere, sar soj tano te na pije cigare.