Mangle phraljalen hem phenjalen,

O mangipe premalo Devel hem premalo manuša podstaknini amen te šuna e Isusesi zapovest: „Đan hem ćeren učenikonen ando manuša kotar sa o narodija hem krstinen len“ (Mat. 28:19, 20; Mar. 12:28-31). Sebepi odova mangipe, amen šaj te pomožina e manušenđe kola isi len „ispravno stav premalo večno životi“ (Dela 13:48).

Angleder, usredsredinđam amen ko odova te sikljova napamet o prezentacije hem te da publikacije. Akana, valjani te sikljova sar pošukar te vaćera e manušencar. Amen ka mothova mangipe averenđe ađahar so ka vaćera olencar ando buća kola olen zaniminena. Odova šaj te ćera ako hijam prilagodljiva hem ako razmislinaja so svakone manuše brinini hem soj tano olese važno. Sar šaj akija brošura te pomožini amen te ćera odova?

Ki akija brošura isi 12 lekcije ko kola vaćeri pe ando osobine kola valjani te razvijina te šaj te mothova mangipe hem te ćera učenikonen. Svako lekcija temeljini pe ko disavo izveštaj andi Biblija kova vaćeri andi jekh osobina koja o Isus ili avera hrišćanija kotar prvo veko mothovđe ki služba. O cilj nane te sikljova o prezentacije napamet, već te razmislina sar te mothova mangipe e manušenđe. Đi hijam ki služba, valjani te mothova sa o osobine. Ama, ka dikha kola osobine posebno valjanena amenđe ked počminaja o razgovor, ked đaja ko naknadna posete ja ked hijam ko biblijake kursija.

Đi razmotrineja svako lekcija, razmislin sar šaj te mothove odija osobina ked vaćereja e manušencar odothe kaj živineja. Trudin tut te zorjaćere to mangipe premalo Jehova hem premalo manuša. O mangipe, poviše andi bilo koja metoda ki služba, ka pomožini tuće te ispunine to cilj te ćere učenikonen.

Amen but ceninaja so isi amen čast te sarađujina tuvaja piko pikeja (Sof. 3:9). Nek o Jehova blagoslovini tut đi trudineja tut te mange e manušen hem te ćere učenikonen!