DOBROVOLJNO SLUŽBA. Ako mangena te pomožinen te organizujinen pe o buča ko kongres, molinaja tumen prijavinen tumen ko odeljenje Informacija hem dobrovoljno služba.

KRŠTENJE. O thana okolendže kola ka krstinen pe ka oven astarde ko prva redija angli bina, osim ako nane averčhane označimo. Ki subota sabale, o kandidatija kola ka krstinen pe valjani te bešen ko pe thana angleder te počmini o govor e krstibase. Svako olendar valjani te ovel le po peškiri hem pristojna šeja krstibase.

NAŠALDE HEM ARAKHLJE BUČA. Sa o buča kola arakhena, a na džanena kase tane, legaren ko akava odeljenje. Ako diso našaldžen, šaj te obratinen tumen ko akava odeljenje. O čhave kola našaldilje ando roditeljija valjani te legaren akate. Ama, te na avel dži ko asavke situacije, molinaja tumen te arakhen tumare čhaven hem nek oven uvek uzo tumende

POMOĆNO SLUŽBA. O phralja kola tane ki pomoćno služba isi len zadatko te pomožinen tumen. Molinaja tumen te sarađujinen ko sa olencar hem te šunen olenge uputstvija ando parkiranje, ando odova te ičeri pe o redo, sar te astaren pe o thana hem avera buča.

PRILOGIJA. But materijalna sredstvija hine potrebna te šaj te oven amen thana kuri te beša, ozvučenje, video oprema hem but avera buča kola čerena te osetina amen šukar ko akava kongres hem te ova pana popaše e Jehovaja. Tumare dobrovoljna prilogija pomožinena te platinen pe akala troškija hem isto adžahar te podržini pe o delo propovedanja ko celo sveto. Odoljese, ko celo objekat tane čhivde jasno označime kutije kuri šaj te čhiven prilog. Isto adžahar, šaj te den prilog onlajn prekalo donate.pr418.com. Tumare prilogija but ceninena pe. O Vodeće telo tano zahvalno so velikodušno podržinena o delo ando Kraljevstvo.

PRVA POMOĆ. Molinaja tumen, ma bistren so akija služba tani samo ko hitna slučaja.

THANA BEŠIBASE. Molinaja tumen razmislinen averendar. Ma bistren, so šaj te astaren thana samo tumare porodicače hem okolendže kola putujinena tumencar ko ista vorda, kola živinena tumencar ko isto čher ja akana proučinena i Biblija tumencar. Molinaja tumen, ko thana kola na ka astaren, ma čhiven nisave buča.

Škola aso objaviteljija ando Kraljevstvo. O pionirija kola isi len maškaro 23 hem 65 berš hem kola mangena te proširinen pi služba tane vičime te aven ko sastanko so ka ovel ki nedelja palo pladne. O tačno than hem o vreme ked ka ovel akava sastanko ka ovel vačerdo ko obaveštenja.