DOBROVOLJNO SLUŽBA. Ako mangena te pomožinen te organizujinen pe o buča ko kongres, molinaja tumen prijavinen tumen ko odeljenje Informacija hem dobrovoljno služba.

KRŠTENJE. O thana okoljendže kola ka krstinen pe ka oven astarde ko prva redija angli bina, osim ako nane averčhane označimo. Ki subota sabalje, o kandidatija kola ka krstinen pe valjani te bešen ko pe thana angljeder te počmini o govor e krstibase. Svako oljendar valjani te ovel lje po peškiri hem pristojna šeja krstibase.

NAŠALDE HEM ARAKHLJE BUČA. Sa o buča kola arakhena, a na džanena kase tane, ljegaren ko akava odeljenje. Ako diso našaldžen, džan ko akava odeljenje hem dikhen da li tano odova tumaro. O čhave kola našaldilje ando roditeljija valjani te ljegaren ko odova odeljenje. Ama, te na avel dži ko asavke situacije, molinaja tumen te arakhen tumare čhaven hem nek oven uvek uzo tumende.

POMOĆNO SLUŽBA. O phralja kola tane ki pomoćno služba isi ljen zadatko te pomožinen tumen. Molinaja tumen te sarađujinen ko sa oljencar hem te šunen oljenge uputstvija ando parkiranje, ando odova te ičeri pe o redo, sar te astaren pe o thana hem avera buča.

PRILOGIJA. But materijalna sredstvija hine potrebna te šaj te oven amen thana kuri te beša, ozvučenje, video oprema hem but avera buča kola čerena amen te osetina amen šukar ko akava kongres hem te ova pana popaše e Jehovaja. Tumare dobrovoljna prilogija pomožinena te platinen pe akala troškija hem isto adžahar te podržini pe o delo propovedanja ko celo sveto. Odoljese, ko celo objekat tane čhivde jasno označime kutije kuri šaj te čhiven prilog. Tumare prilogija but ceninena pe. O Vodeće telo tano zahvalno so velikodušno podržinena o delo ando Kraljevstvo.

PRVA POMOĆ. Molinaja tumen, ma bistren so akija služba tani SAMO KO HITNA SLUČAJA.

THANA BEŠIBASE. Molinaja tumen razmislinen averendar. Ma bistren, so šaj te astaren thana samo tumare porodicače hem okoljendže kola putujinena tumencar ko ista vorda, kola živinena tumencar ko isto čher ja akana proučinena i Biblija tumencar. Molinaja tumen, ko thana kola na ka astaren, ma čhiven nisave buča.

ŠKOLA E OBJAVITELJENDŽE ANDO KRALJEVSTVO. O pionirija kola isi ljen maškaro 23 hem 65 berš hem kola mangena te proširinen pi služba, vičime tane te aven ko sastanko so ka ovel ki nedelja palo pladne. O tačno than hem o vreme ked ka ovel akava sastanko ka ovel vačerdo ko obaveštenja.