7. LEKCIJA
Savo tano o Jehova?
Ked razmislineja ando Jehova, so perela tuće ki godi? Da li mislineja soj tano ov baro, ama dur tutar sar o ćerenja ko nebo? Ili tano moćno, ama nane le osećanja, sar o grom? Savo tano ćaće o Jehova? Prekalo po Lafi, i Biblija, ov mothovi savo tano ov ćaće hem kobor brinini pe amendar.
1. Sose našti te dikha e Devle?
„O Devel tano duh“ (Jovan 4:24). O Jehova nane le fizičko telo. Ole našti te dikha odolese so živini ko nebo.
2. Kola tane disave e Jehovase osobine?
Amen našti te dikha e Jehova. Ama, ked šukar penđaraja le, šaj pana pobuter te manga le sose ov ćaće postojini hem isi le but šuže osobine. Ki Biblija pisini: „O Jehova mangela i pravda hem na ka mukhel pe verno slugen“ (Psalam 37:28). Isto ađahar, ov „tano but samilosno hem milosrdno“, posebno premalo okola kola patinena (Jakovljeva 5:11). „O Jehova tano paše okolencar kola tane phage vileja, ov spasini okolen kola tane obeshrabrime“ (Psalam 34:18, fusnota). Da li đanđan so odova sar ponašinaja amen utičini upro Jehova? Jekh manuš kova ćerela lošna buća razočarini le hem ćerela le tužno (Psalam 78:40, 41). Ama, jekh manuš kova ćerela odova soj tano šukar, ćerela le bahtalo. (Čitinen Poslovice 27:11.)
3. Sar o Jehova mothovi so mangela amen?
E Jehovasi najbari osobina tani o mangipe. U stvari, „o Devel tano mangipe“ (1. Jovanova 4:8). Prekali Biblija hem prekalo odova so stvorinđa, o Jehova mothovi amenđe so mangela amen. (Čitinen Dela apostolska 14:17.) Na primer, razmislin ando odova sar hijam stvorime. Ov ćerđa amen ađahar te šaj te dikha o šuže boje, te šuna šukar muzika hem te uživina ko razna habe. Ov ćaće mangela te ova bahtale.
SIKLJOV POBUTER
Sikljov so o Jehova koristini te ćerel o šukar buća. Palo odova, razmislin sar o Jehova mothovi amenđe pe šuže osobine.
4. O sveti duh tano e Devlesi sila
Sar so amen koristinaja amare vasta te ćera diso, isto ađahar o Jehova koristini po sveti duh. I Biblija phenela so o sveti duh nane osoba, nego sila koja o Devel koristini te ćerel diso. Čitinen Luka 11:13 hem Dela apostolska 2:17, hem palo odova vaćeren ando akala pućiba:
-
O Devel ka bićhali amenđe po sveti duh, ako rodaja lestar odova. Odolese, so mislineja, da li tano o sveti duh osoba ili e Devlesi sila? Sose mislineja ađahar?
O Jehova koristini po sveti duh te ćerel but šukar buća. Čitinen Psalam 33:6 hem 2. Petrova 1:20, 21, hem palo odova vaćeren ando akava pućibe:
-
Sar o Jehova koristinđa po sveti duh?
5. O Jehova isi le but šuže osobine
O Mojsije hine e Devleso verno sluga. Ama, ov manglja pošukar te penđari le. Odolese, o Mojsije phenđa lese: „Mothov maje te drumija te šaj te penđarav tut pošukar“ (Izlazak 33:13). Tegani, o Jehova mothovđa e Mojsijese diso pobuter pestar. Čitinen Izlazak 34:4-6, hem palo odova vaćeren ando akala pućiba:
-
So o Jehova pestar mothovđa e Mojsijese?
-
Kola e Jehovase osobine posebno sviđinena pe tuće?
6. O Jehova brinini pe ando manuša
O Jevreja, kola hine e Devleso narodo, jekh vreme hine robija ko Egipat. Sar hine e Jehovase ked dikhlja sar oleso narodo patini? Šunen o AUDIO-SNIMAK ja čitinen o Izlazak 3:1-10. Palo odova, vaćeren ando akala pućiba:
-
So ando akava sikljovaja, sar o Jehova osetini pe ked o manuša patinena? (Dikhen o 7. hem o 8. stiho)
-
So mislineja, da li o Jehova ćaće mangela te pomožini e manušenđe hem da li šaj te ćerel odova? Sose mislineja ađahar?
7. Ando Jehova sikljovaja kotar odova so stvorinđa
O Jehova mothovđa amenđe pe osobine prekalo buća kola stvorinđa. Dikhen o VIDEO. Palo odova, čitinen Rimljanima 1:20, hem vaćeren ando akava pućibe:
-
Kola e Jehovase osobine dikheja ko odova so ov stvorinđa?
AKO NEKO PHENELA: „Amen našti te dikha e Devle hem odolese našti te penđara le.“
-
So tu mislineja?
-
Sose mislineja ađahar?
SO SIKLJILJAM
E Jehova našti te dikha, ama ov isi le but šuže osobine. I najbari olesi osobina tani o mangipe.
Te ponovina
-
Sose našti te dikha e Jehova?
-
Soj tano o sveti duh?
-
Kola tane disave e Jehovase osobine?
RODE POBUTER
Penđar e Jehova ađahar so ka sikljove ando olese štar šuže osobine.
Dikh o dokazija kola mothovena so o Jehova nane svuda oko amende hem ko sa o buća.
„Da li tano o Devel svugde prisutno?“ (članko ko amaro sajt)
Dikh sose i Biblija uporedini o sveti duh e Devlese vastencar.
Jekhe korore manušese hine pharo te verujini so o Devel brinini pe olestar. Dikh sose ov akana averćhane mislini.
„Akana šaj hem me te pomožinav averenđe“ (Stražarska kula, 1. oktobar 2015)