15. LEKCIJA
Koj tano o Isus?
Skoro sa o manuša ki phuv šunđe aso Isus. Iako but olendar đanena sar ov vićini pe, on na đanena but olestar hem na đanena koj tano ov ćaće. So i Biblija vaćeri ando Isus?
1. Koj tano o Isus?
O Isus tano jekh moćno duh ko nebo. Najangleder, o Jehova ole stvorinđa. Sebepi odova, ov tano vićimo „prvo kotar sa soj tano stvorimo“ (Kološanima 1:15). Isto ađahar, i Biblija vaćeri so o Isus tano e Devleso „jedinobijando Ćhavo“ sebepi so o Jehova ole direktno stvorinđa (Jovan 3:16). O Isus hine but paše pe Dadeja, e Jehovaja, hem zajedno ćerđe sa avera buća. (Čitinen Poslovice 8:30.) O Isus tano hem akana but paše pe Dadeja. Ov sarinenđe vaćeri e Devlese lafija hem olese uputstvija. Odolese vićini pe „Lafi“ (Jovan 1:14).
2. Sose o Isus alo ki phuv?
Oko 2 000 berš angleder, o Jehova ćerđa jekh čudo. Ov lelja e Isuseso životi ando nebo hem ćhivđa le ko jekha ćhajako vođi koja vićinđa pe Marija. Ađahar o Isus bijandilo sar manuš. (Čitinen Luka 1:34, 35.) O Jehova bićhalđa le ki phuv te ovel o Obećimo Mesija ja o Hrist hem te spasini sa e manušen. a Sa e biblijake proročanstvija kola vaćerena ando Mesija ispuninđe pe upro Isus. Ađahar, o manuša šaj hine te dikhen so ov hine „o Hrist, o Ćhavo ando đivdo Devel“ (Matej 16:16).
3. Kaj tano o Isus akana?
Palo odova so mulo, o Isus uskrsninđa sar moćno duh. Ked irinđa pe ko nebo, „o Devel dinđa le pobaro than ando okova kova hine le angleder“ (Filipljanima 2:9). Akana, o Isus tano jekh but moćno anđeo. Samo o Jehova isi le pobari moć olestar.
SIKLJOV POBUTER
Sikljov pobuter odolestar koj tano o Isus hem sose tano važno te sikljova olestar.
4. O Isus nane Svemoćno Devel
I Biblija phenela so o Isus, iako tano moćno anđeo ko nebo, ov ipak šunela pe Dade, e Jehova. Sose šaj te phena odova? Dikhen o VIDEO kova mothovi so i Biblija sikavi ando odova ko so tano o Isus averćhane ando Devel.
Akala stihija ka pomožinen amen te haljova so o Jehova hem o Isus nane jekh isto osoba. Palo odova so ka čitinen o stihija vaćeren ando akala pućiba:
Čitinen Luka 1:30-32.
-
Sar odova so o anđeo phenđa mothovi so o Isus hem o Jehova nane jekh isto osoba?
Čitinen Matej 3:16, 17.
-
So o glaso ando nebo phenđa ked o Isus krstinđa pe?
-
So mislineja, kaso glaso hine odova?
Čitinen Jovan 14:28.
-
Koj tano pophureder hem ko isi le pobari vlast – o dad ja o ćhavo?
-
O Isus phenđa soj tano o Jehova oleso Dad. So sikljovaja odolestar?
Čitinen Jovan 12:49.
-
Da li o Isus mislinđa so ov hem oleso Dad tane jekh isto osoba? So tu mislineja odolestar?
5. So mothovi so o Isus hine o Mesija?
Ki Biblija isi but proročanstvija ando Mesija. Ov tano okova kas o Devel birinđa te spasini e manušen. Akala proročanstvija pomožinđe bute manušenđe te haljon koj tano o Mesija. Dikhen o VIDEO te šaj te sikljon kola proročanstvija ispuninđe pe upro Isus ked hine ki phuv.
Čitinen akala proročanstvija hem palo odova vaćeren ando akala pućiba:
Čitinen Mihej 5:2 hem dikhen kaj o Mesija valjanđa te ovel bijando. b
-
Sar ispuninđa pe akava proročanstvo? (Matej 2:1)
Čitinen Psalam 34:20 hem Zaharija 12:10 hem sikljoven so hine vaćerdo ando odova sar o Mesija ka merel.
-
Da li ispuninđe pe akala proročanstvija? (Jovan 19:33-37)
-
So mislineja, da li o Isus šaj hine te utičini upro odova sar ka ispuninen pe akala proročanstvija?
-
So akava mothovi tuće ando Isus?
6. Amare šukaripase tano te sikljova ando Isus
I Biblija phenela soj tano but važno te sikljova ando Isus hem ando odova so ka ćerel e manušenđe. Čitinen Jovan 14:6 hem 17:3, hem palo odova vaćeren ando akava pućibe:
-
Sose tano važno te sikljova ando Isus?
O Isus phravđa o drumo te šaj te ova e Devlese amala. Ov sikavđa e manušen o ćaćipe ando Jehova hem prekalo leste šaj te dobina o večno životi
AKO NEKO PHENELA: „E Jehovase svedokija verujinena so o Isus tano e Devleso Ćhavo. Ama, o Devel našti te ovel le Ćhavo.“
-
So bi tu pheneja ko odova?
SO SIKLJILJAM
O Isus tano moćno duh. Ov tano e Devleso Ćhavo hem o Mesija.
Te ponovina
-
Sose phenela pe soj tano o Isus „prvo kotar sa soj tano stvorimo?“
-
So ćerđa o Isus angleder te avel ki phuv?
-
Sar đanaja so o Isus tano o Mesija?
RODE POBUTER
Sikljov pobuter ando odova sar đanaja so o Isus tano o Mesija.
„Da li o proročanstvija mothovena so o Isus hine o Mesija?“ (članko ko amaro sajt)
Sikljov pobuter ando odova so značini ked ki Biblija pisini so o Jehova tano e Isuseso Dad.
„Sose e Isusese phenela pe soj tano e Devleso Ćhavo“? (članko ko amaro sajt)
Da li i Biblija vaćeri ando Trojstvo?
Čitin sar jekh romni menjinđa po životi palo odova so sikljilji so i Biblija vaćeri ando Isus.
a Ki 26. hem ki 27. lekcija ka vaćera sose neko valjanđa te spasini e manušen hem sar o Isus ćerđa odova.
b Ko 2. dodatko dikh o proročanstvo kova vaćerđa ked o Mesija ka pojavini pe ki phuv.
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
