35. LEKCIJA
Sar šaj te ana šukar odluke?
Sare amen valjani te ana odluke. But ando odola odluke ka utičinen ko amaro životi hem ko amaro amalipe e Jehovaja. Na primer, valjani te odlučina kaj ka živina, savi buti ka ćera ja da li ka khuva ko brako. Ked anaja šukar odluke, šaj te ova bahtale hem amen hem o Jehova.
1. Sar e Devleso Lafi šaj te pomožini tuće te ane šukar odluke?
Angleder so ka ane disavi odluka, šukar tano te moline tut e Jehovase hem ko oleso Lafi te dikhe so ov mislini. (Čitinen Poslovice 2:3-6.) Aso disave buća, ov ko po Lafi jasno phenela so valjani te ćere. Najšukar odluka koja tegani šaj te ane tani te ćere odova so o Devel phenela.
Ama, so ako ko oleso Lafi na pisini so valjani te ćere? O Jehova hem ponodri ka pomožini tut ađahar so ka „legari tut drumoja koleja valjani te đa“ (Isaija 48:17). Sar? Prekalo biblijake načelija. E biblijake načelija tane o osnovna ćaćipa kola pomožinena amen te haljova sar o Devel dikhela ko disave buća hem sar osetini pe. But putija, odova šaj te đana ked čitinaja disavo izveštaj andi Biblija. Ked đanaja sar o Jehova dikhela ko disave buća, tegani šaj te ana odluke kola ka ćeren le bahtalo.
2. Sostar valjani te razmisline angleder te ane disavi odluka?
Ki Biblija pisini: „O gođalo manuš šukar razmislini ando sa so ćerela“ (Poslovice 14:15). Odova značini so angleder te ana disavi odluka valjani te beša hem te razmislina soj tano najšukar te ćera. Đi razmislinaja odolestar, šukar bi ovela te puća amen: „Kola biblijake načelija šaj te koristinav ki akija situacija? Ako anava akija odluka, da li ka ovel man mir ko vilo? Sar odija odluka ka utičini upro avera? Soj tano najvažno, da li o Jehova ka ovel bahtalo sebepi odija odluka?“ (Ponovljeni zakoni 32:29).
O Jehova isi le pravo te phenel amenđe soj tano šukar, a soj tano lošno. Ked šukar penđaraja olese zakonija hem načelija hem ked ićeraja amen ko odova so sikljiljam, tegani amen oblikujinaja amari savest. Amari savest tani odija koja phenela amenđe da li ćerđam diso šukar ja lošno (Rimljanima 2:14, 15). Ked amari savest tani šukar oblikujimi, tegani šaj te ana šukar odluke.
SIKLJOV POBUTER
Sikljov sar e biblijake načelija hem amari savest šaj te pomožinen amen te ana šukar odluke.
3. Mukh i Biblija te pomožini tut
Sar šaj e biblijake načelija te pomožinen amen ked valjani te ana disavi odluka? Dikhen o VIDEO, hem palo odova vaćeren ando akala pućiba.
-
Soj tani i slobodno volja?
-
Sose o Jehova dinđa amen slobodno volja?
-
So o Jehova dinđa amen te šaj te ana šukar odluke?
Te dikha jekh načelo andi Biblija. Čitinen Efešanima 5:15, 16, hem palo odova vaćeren sar šaj „mudro te koristina amaro vreme“ te šaj. . .
-
redovno te čitina i Biblija?
-
te ova pošukar rom ja romni, dad ja daj, ćhavo ja ćhaj?
-
redovno te đa ko sastankija?
4. Valjani te oblikujine ti savest te šaj te ane šukar odluke
Nane amenđe pharo te ana šukar odluka ked ko Devleso Lafi pisini so valjani te ćera ki disavi situacija. Ama, so ako ko Devleso Lafi na pisini so te ćera? Dikhen o VIDEO, hem palo odova vaćeren ando akava pućibe.
-
So ćerđa akija phen te šaj te oblikujini pi savest hem te anel odluka koja ka sviđini pe e Jehovase?
Sose na valjani te puća averen te anen odluka amenđe? Čitinen Jevrejima 5:14, hem palo odova vaćeren ando akala pućiba:
-
Podijekh puti tano polokho te puća averen so te ćera. Ama, so valjani amen te sikljova?
-
So šaj te pomožini amen te oblikujina amari savest hem te ana šukar odluke?
Sar i navigacija, amari savest šaj te pomožini amenđe te đana kole drumoja te đa
5. Poštujin averengi savest
Sare amen hijam različita hem odolese na anaja ista odluke. Sar šaj te mothova so poštujinaja averengi savest? Te dikha duj situacije:
1. situacija: Jekh amari phen koja but mangela te šminkini pe nakhela ki aver skupština kuri bute phenjenđe odova smetini.
Čitinen Rimljanima 15:1 hem 1. Korinćanima 10:23, 24, hem palo odova vaćeren ando akala pućiba:
-
Palo odova so ka razmislini ando akala stihija, savi odluka šaj te anel odija phen? So ka ćere ako tuće ti savest mukhela diso te ćere, ama hijan nekasa kasi savest na mukhela le odova te ćerel?
2. situacija: Jekh amaro phral đanela so ki Biblija pisini so nane pogrešno te pijel pe alkohol, ama ov kokri odlučini hić te na pijel. Vićimo tano ko jekh druženje kuri dikhela so avera phralja pijena alkohol.
Čitinen Propovednik 7:16 hem Rimljanima 14:1, 10, hem palo odova vaćeren ando akala pućiba:
-
Palo odova so ka razmislini ando akala stihija, savi odluka šaj te anel odova phral? So ka ćere ako dikheja so neko ćerela diso so tuće ti savest na mukhela?
So valjani te ćere te šaj te ane šukar odluke?
1. Molin e Jehova te pomožini tuće te đane so te ćere (Jakovljeva 1:5).
2. Rode ki Biblija hem ko amare publikacije o načelija kola šaj te pomožinen tut ki odija situacija. Isto ađahar, šaj te rode savet ando iskusna phralja ja phenja.
3. Razmislin sar odija odluka ka utičini ki tikli hem ki averengi savest.
AKO NEKO PHENELA: „Tu isi tut pravo te ćere sa so mangeja. Nane važno so avera mislinena.“
-
Sose ipak valjani te ovel amenđe važno so o Devel mislini hem so o manuša mislinena?
SO SIKLJILJAM?
Te šaj te ana šukar odluke, amen valjani te razmislina so o Devel mislini odolestar hem sar odija odluka ka utičini upro avera.
Te ponovina
-
Sar šaj te ane odluke kola ka radujinen e Jehova?
-
Sar šaj te oblikujine ti savest?
-
Sar šaj te mothove so poštujineja averengi savest?
RODE POBUTER
Sar šaj te ane odluke kola ka pomožinen tut te ove popaše e Devleja?
„Te odluke nek mothoven so poštujineja e Devle“ (Stražarska kula, 15. april 2011)
Sikljov pobuter ando odova sar o Jehova dela amen savetija.
Dikh so pomožinđa jekhe manušese te anel jekh but phari odluka.
O Jehova dela po lafi so ka del amen sa soj tano šukar (5:46)
Sar šaj te šuna e Jehova ked ko oleso Lafi na pisini so valjani te ćere?
„Da li uvek valjani tuće zapovest andi Biblija?“ (Stražarska kula, 1. decembar 2003)
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
