O prava hrišćanija na mangena te mukhen nikase hem nisose te ćhinavi len te služinen e Jehovase. Sigurno hem tu osetineja tut ađahar. O Jehova cenini odova so hijam verna olese. (Čitinen 1. Letopisa 28:9.) Sose šaj te ovel amenđe pharo te aćhova verna e Jehovase hem so šaj te pomožini amen ko odova?

1. Sar disave manuša mangena te peraven amen andi vera?

Disave manuša ka mangen te ćhinaven amen te služina e Jehovase. Koj tane odola manuša? On tane odola so mukhlje o ćaćipe hem akana vaćerena hovajba andi Jehovasi organizacija sose mangena te peraven amen andi vera. Odola manuša vićinena pe otpadnikija. Isto ađahar, disave religiozna vođe vaćerena hovajba amendar. Ako na hijam oprezna, šaj te ciden amen ando Jehova. Odolese, nane mudro te khuva ki rasprava asavke manušencar, te čitina olenge knjige, ja te dikha odova so ćhivena ko internet. So valjani te ćera ked neko pherela amari godi te na služina e Jehovase? O Isus phenđa: „Mukhen len. On tane korore vođe. A ked o kororo igari e korore, o solduj ka peren ki jama“ (Matej 15:14).

So ako neko kas amen penđaraja na mangela više te ovel e Jehovaso svedoko? Šaj te ovel amenđe but pharo ako tani odija osoba amaro amal. Odija osoba šaj te ćhivel amen te birina ili e Jehova ili ola. Ama, amenđe najvažno valjani te ovel te aćhova verna e Jehovase (Matej 10:37). Odolese, amen šunaja e Jehovasi zapovest te na družina amen asavke manušencar. (Čitinen 1. Korinćanima 5:11.)

2. Sar šaj amare odluke te mothoven so hijam verna e Jehovase?

O mangipe premalo Jehova ka podstaknini amen te cida amen ando religije kola lađaćerena e Devle. Odova značini so na ka ćera disavi buti, na ka khuva ko disave organizacije niti ka ćera bilo so soj tano povezimo olencar. O Jehova phenela amenđe: „Ikljoven ando [Baro Vavilon], mo narodo.“ (Čitinen Otkrivenje 18:2, 4.)

 SIKLJOV POBUTER

3. Arakh tut ando okola so vaćerena hovajba

So valjani te ćera ako neko lošno vaćeri andi Jehovasi organizacija? Čitinen Poslovice 14:15, hem palo odova vaćeren ando akava pućibe:

• Sose na valjani te verujina ko sa odova so šunaja?

Čitinen 2. Jovanova 10, hem palo odova vaćeren ando akala pućiba:

• Sar valjani te ponašina amen premalo otpadnikija?

• Iako na vaćeraja olencar, sar šaj on ipak te utičinen upro amende?

• So mislineja, sar bi ovela e Jehovase ako bi amen šunaja sar neko vaćeri lošno olestar ja andi olesi organizacija?

4. Aćhov verno e Jehovase ked avera grešinena

So valjani te ćera ako đanaja so neko ki skupština ćerđa disavo ozbiljno greh? Te dikha jekh načelo ando Zakon kova o Jehova dinđa e Izraelconenđe. Čitinen Levitska 5:1.

Ako đanaja so neko ćerđa ozbiljno greh, tegani valjani te đa hem odova te phena e starešinenđe. Ama, angleder te ćera odova, šukar bi ovela te podstaknina odola osoba oj kokri te đal hem te vaćeri e starešinencar. Ako oj na đala te vaćeri lenđe, tegani amen ka mothova so hijam verna e Jehovase ađahar so ka phena e starešinenđe odova so đanaja. Sar odoleja šaj te mothova amaro mangipe premalo. . .

• Jehova?

• okova kova grešinđa?

• avera ki skupština?

 5. Cide tut ando Baro Vavilon

 SO SIKLJILJAM

Te šaj te aćhova verna e Jehovase, valjani te ćhinava te družina amen okolencar kola nane verna olese. Isto ađahar, valjani te cida amen ando religije kola lađaćerena e Devle.

Te ponovina

• Sose na valjani te dikha, te čitina ja te šuna odova so o otpadnikija sikavena?

• Sar valjani te dikha ko okola so više na mangena te oven e Jehovase svedokija?

• Sar mothovaja so šunaja o upozorenje te ikljova ando Baro Vavilon?