Vazde ja smanin to glaso. Te šaj te naglasine o glavna mislija hem te podstaknine e manušen te ćeren diso, vazde to glaso. Ćer odova hem ked čitineja disavi osuda andi Biblija. Smanin to glaso ked mangeja avera jedva te ađićeren odova so ka phene ja ked mangeja te mothove so neko darala ja brinini pe.

Promin to glaso. Ked hijan bahtalo ja tužno, na vaćereja ko isto način. Odolese, valjani te promine to glaso ked vaćereja ando buća soj tane radosna ja tužna. Isto šaj te produžine jekh slovo ko lafi te šaj te naglasine soj tano diso dur ja paše, baro ja tikno. Na primer, ko lafi „dur“ šaj te produžine o slovo „u“.