Nek ovel tut cilj. Razmislin da li ko toklo govor valjani te objasnine diso e manušendže, te uverine ljen ja te podstaknine ljen te čeren diso. Odova ka pomožini tuče te džane sar te čere toklo govor. Sa o glavna tačke valjani te pomožinen tut te čere ko cilj kova isi tut.

Naglasin i tema ando toklo govor. Odova šaj te čere adžahar so ka ponovine o važna lafija ando toklo govor.

O glavna tačke ando toklo govor nek oven jasna hem lokhe te haljon pe. Birin samo o tačke kola tane povezime e tema hem kola šaj te objasnine odobor vreme kobor isi tut. Ma te ovel tut but tačke. Svako tačka vačer jasno, čer pauza hem pohari nakh kotar jekh ki aver tačka.