16. LEKCIJA
Ohrabrin averen hem ov pozitivno
Jov 16:5
SO TE ĆERE: Ma usredsredin tut ko problemija, nego ko odova sar te rešinen pe. Isto ađahar, vaćer ando buća kola šaj te ohrabrinen averen.
SAR TE ĆERE ODOVA:
-
Razmislin pozitivno ando manuša. Nek ovel tut poverenje so te phralja dena sa pestar te služinen e Jehovase. Čak ako valjani te de savet, ked god šaj, najangleder iskreno pohvalin len.
-
Ma vaćer but ando lošna informacije. Ako valjani te pomine disave lošna informacije kola tane povezime e temaja, vaćer olendar samo kobor tano neophodno. Celo to govor valjani pozitivno te utičini upro manuša.
-
Šukar koristin e Devleso Lafi. Naglasin so o Jehova već ćerđa e manušenđe, so akana ćerela hem so ka ćerel ki budućnost. Te lafencar ohrabrin averen hem pomožin len te ovel len nada.