Pomožin e manušenđe te razmislinen pestar. Koristin pućiba kola ka podstakninen e manušen te razmislinen pestar hem te dikhen so isi len ko vilo.

Pomožin e manušenđe te razmislinen sose diso ćerena. Podstaknin e manušen te razmislinen sose ćerena šukar buća. Pomožin len te mangen te ćeren odova odolese so mangena e Jehova, e manušen hem e biblijako ćaćipe. Ma vaćer samo so valjani te ćeren, nego pomožin len te haljon kobor tane mudra e biblijake savetija. Ko krajo ando to govor, o manuša na valjani te osetinen pe kriva, nego valjani te oven podstaknime te den sa pestar te ćeren odova soj tano šukar.

Pomožin e manušenđe te razmislinen ando Jehova. Naglasin sar ko biblijake sikljoviba, načelija hem zapovestija dićhona e Devlese osobine hem oleso mangipe premalo amende. Pomožin len te razmislinen sar utičini upro Jehova odova so ćerena hem podstaknin len te mangen te ćeren olesi volja.