Molin tut hem šukar spremin tut. Molin tut e Jehovase te pomožini tut te na misline ki tiklji trema, nego te misline ko odova so vačereja. Ičer ki godi o glavna tačke kola spremijan. Vačer o mislija teklje lafenca. Ma ponovin ljen samo lafi palo lafi sar so pisini ko ljil.

Vačer ando vilo. Razmislin sose o manuša valjani te šunen odova so mangeja te vačere oljendže. Razmislin oljendar. Tegani premalo odova sar terdžoveja, premalo teklje gestija hem to muj ka dičhol so vačereja mangipaja, iskreno hem šukaripa.

Dikh e manušen koljendže vačereja. De sa tutar te čere odova. Ked isi tut govor, dikh ko jekh manuš ki publika, a palo odova ko aver manuš. Ma dikh samo pravo ki publika ja samo te nakhe jačhenca kotar jekh strana ki aver strana.