6. LEKCIJA
Šukar objasnin sose koristineja o stih
Jovan 10:33-36
SO TE ČERE: Ked čitineja jekh stih ma nakh odma ki aver misao. Ov sigurno so okola so šunena tut haljona savi veza isi maškaro stih kova čitijan hem i misao koja mangeja te naglasine.
SAR TE ČERE ODOVA:
-
Mothov kola tane o važna lafija. Palo odova so ka čitine o stih, naglasin o lafija kola motovena i glavno misao. Odova šaj te čere adžahar so ka ponovine odola lafija ja adžahar so ka puče pučibe kova ka pomožini okoljendže so šunena tut te pendžaren o važna lafija.
-
Naglasin i glavno misao. Ako angljeder te čitine o stih vačereja sose ka čitine lje, na primer ako mangeja te dokažine jekh misao, tegani objasnin sar o važna lafija ando stih tane povezime odoljeja so mangeja te dokažine.
-
Nek ovel lokho te haljol pe o stih. Ma vačer but ando detaljija kola nane odoborkha važna hem nane povezime odoljeja so vačereja. Razmislin so o manuša već džanena kotar akija tema. Palo odova odlučin kobor valjani te vačere te šaj te haljon i misao ando stih.