Birin primerija kola lokhe haljona pe. Ov sar o Isus, koristin pendžarutne buča kola tane lokhe te haljon pe, te šaj te objasnine o važna hem o phare buča. Ma čhiv disave detaljija kola čerena o primer te na ovel jasno. Celo primer čače valjani te ovel povezimo odoljeja so mangeja te sikave. Ako nane adžahar, tegani o detaljija kola nane važna ka buninen e manušen.

Razmislin e manušendar. Birin primerija kola tane pendžarde e manušendže. Pazin odola primerija te na ladžačeren ljen ja te na uvredinen ljen.

Naglasin o glavna mislija. Koristin primerija kola objasninena o glavna mislija, a na o detaljija kola nane važna. Nek ovel tut cilj o manuša na samo te pamtinen o primer, nego hem odova so sikljilje oljestar.