ĐILI 111
Bari tani amari radost
-
1. Bari radost osetinaja,
avela oj ando Devel.
Sare so Ole but mangena
ćedena pe te služinen.
Sikavi amen o Jehova
i radost te barjaćera.
I mudrost olestar rodaja,
veraja anglal te phira.
Sar jag tani amari radost
thabljola oj hor ko vilo.
Ked tužna hijam, bizi snaga
vazdela amen o Devel.
(REFREN)
Amencar tano o Devel
hem radost ov dela amen.
O, kobor manglo hem moćno tano,
Ole uvek ka slavina.
-
2. O nebo, i phuv hem o more
ćerđa len o moćno Devel.
Olese on slava anena,
bari radost dena amen.
Hem radosno svedočinaja,
šukar vest dinđa o Devel.
Ko nebo vladini o Isus,
šužo raj ki phuv ka ćerel.
Sa popaše tano o vreme,
o krajo but sig ka avel.
O Kraljevstvo mir ka anel hem
ko raj večno ka živine.
(REFREN)
Amencar tano o Devel
hem radost ov dela amen.
O, kobor manglo hem moćno tano,
Ole uvek ka slavina.
(Dikh hem Pon. zak. 16:15; Is. 12:6; Jov. 15:11.)
