Ko celo sveto ovena but bare poplave. Aće disave izveštaija:

•   „Ko zadnja 140 berš, ki glavno diz andi Kina, na hine asavko boršim sar ko zadnja nekobor dive. Maškar i subota hem i sreda pelo 744,8 milimetrija ando boršim.“ (AP News, 2. avgust 2023.)

•   „Ko četvrtak hine dujto dive sar počminđa o tajfun Hanun kova anđa baro boršim hem zorali bavlal ko južno Japan hem đi akana najhari duj đene mulje. . . Očekujini pe so sebepi i oluja ka perel 0,6 metre boršim ko planinsko centralno deo ando Tajvan.“ (Dojče vele, 3. avgust 2023.)

•   „O poplave kola hine okova vikend [ki Nevi Škotska] ulje sebepi so hine but baro boršim ko deo andi Atlantsko Kanada. Ko zadnja 50 berš na hine asavko boršim.“ (BBC News, 24. jul 2023.)

 So phenela i Biblija ando asavke događaja?

 I Biblija mothovi so živinaja ko vreme kova vićini pe „poslednja dive“ (2. Timoteju 3:1). O Isus mothovđa so ko amaro vreme o manuša ka daran ando buća kola ka dikhen (Luka 21:11). Sebepi o klimatska promene sa počesto ovena bare hem zorale oluje.

 I Biblija mothovi so o lošna buća kola avdije ovena ki phuv valjani te den amen nada. Sose? O Isus phenđa: „Ked ka dikhen so sa odova ovela, đanen so e Devleso Kraljevstvo tano paše“ (Luka 21:31; Matej 24:3).

 O događaja kola ovena avdije mothovena so e Devleso Kraljevstvo pana hari ka ovel le potpuno kontrola upro sa o prirodna sile (Jov 36:27, 28; Psalam 107:29).

 Ako mangeja te đane sar e Devleso Kraljevstvo ka obnovini sa o buća ki phuv, čitin o članko „Ko će spasti našu planetu?“