Ko 19. maj 2022. berš, o Savet bezbednosti ando Ujedinjena nacije ando predstavnikija kotar 75 phuvja, šunđa so „i situacija ko but phuvja već hine but lošno sebepi i pandemija hem o klimatska promene, a akana sebepi o maribe ki Ukrajina isi but bari opasnost so ko but phuvja ka ovel bokhalipe.“ Hari palo odova, o časopis The Economist pisinđa so „ko sveto već isi but problemija, a akana sebepi o maribe, ko sveto ka ovel baro bokhalipe.“ I Biblija phenđa so ko amaro vreme ka ovel bokhalipe, ama isto ađahar oj pomožini amen te ikljova ko krajo odoleja.

•    O Isus vaćerđa jekh proročanstvo: „Ka uštel o narodo upro narodo hem o kraljevstvo upro kraljevstvo, ka oven bokhalipa“ (Matej 24:7).

•    I knjiga Otkrivenje vaćeri ando štar simbolična jahačija. Jekh ando odola jahačija predstavini o maribe. Palo leste đala aver kova predstavini o bokhalipe hem sebepi odova ka ovel pharo te ovel amen sa so valjani amenđe sose sa ka skuponi. Ko Otkrivenje 6:5, 6 pisini: „Tegani dikhljum jekhe kale graste hem upro leste e jahače kova hine le vaga ko vas. Hem šunđum diso sar glas. . . sar vaćeri: ’I mera ando điv aso denar hem trin mere ando ječam aso denar!‘ “

 E biblijake proročanstvija ando bokhalipe ispuninena pe akana ko vreme kova i Biblija vićini „poslednja dive“ (2. Timoteju 3:1). Ako mangeja te đane pobuter ando „poslednja dive“ hem ando štar jahačija kotar Otkrivenje, dikh o video O sveto but menjinđa pe kotar 1914. berš hem čitin o članko „Šta predstavljaju četiri jahača Apokalipse?“

•    Ki Biblija isi šukar savetija kola šaj te pomožinen amen te borina amen e problemencar, sar soj tane o bokhalipe hem odova so sa skuponđa. Dikh disave primerija ko članko „Kako živeti s manje novca?“

•    Isto ađahar, i Biblija dela amen nada so pana hari ađićeri amen diso pošukar. Oj phenela so pana hari ka avel o vreme ked „ki phuv ka ovel pherdo điv“ hem sare ka ovel len but buća hajbase (Psalam 72:16). Ako mangeja te đane pobuter ando odova so i Biblija vaćeri andi budućnost hem sose šaj te verujine ko odova, dikh o članko „Prava nada u bolje sutra.“