„Akana tano o vreme te pazina te na ćera pana pobare problemija. Vreme tano te mothova samokontrola“, phenela o generalno sekretari ando Ujedinjena nacije, o Antonio Guteres, kotar iransko napad upro Izrael (13. april 2024).

 Odova so desini pe ko Blisko istok samo mothovi so desini pe ko celo sveto.

 „Akana ko sveto isi pobuter mariba nego so hine ko period palo Dujto svetsko rat. Duj milijarde manuša, ja jekh četvrtina ando stanovništvo, živinena ko thana kuri isi mariba“ (O savet andi bezbednost kotar Ujedinjena nacije, 26. januar 2023).

 Trenutno, isi mariba ko Izrael, ki Gaza, ki Sirija, ko Azerbejdžan, ki Ukrajina, ko Sudan, ki Etiopija, ko Niger, ko Mjanmar hem ko Haiti. a

 Ked ka ćhinavđon o mariba? Šaj li o vlastija te anen mir? So i Biblija phenela odolestar?

 O događaija ko sveto mothovena so pana hari ka avel o krajo ando mariba. Akala mariba tane dokaz so ispuninena pe e biblijake proročanstvija. I Biblija phenela so živinaja ko „krajo kotar akava sveto.“ (Matej 24:3).

•   „Ka šunen aso mariba hem vestija ando mariba. . . Ka uštel o narodo upro narodo hem o kraljevstvo upro kraljevstvo“ (Matej 24:6, 7).

 Čitin o članko „Šta je znak ’poslednjih dana‘ ili ’vremena kraja‘?“ hem dikh sar o mariba ko sveto mothovena so ispuninena pe e biblijake proročanstvija.

 I Biblija mothovi so ka avel o krajo ando sa o mariba. Sar ka ovel odova? O manuša na ka ćhinaven o mariba, već o Devel ko maribe „kova ka ovel ko baro dive ando Svemoćno Devel“ (Otkrivenje 16:14, 16). Odova maribe vićini pe Armagedon hem palo odova maribe o Devel ka ispunini sa so obećinđa e manušenđe (Psalam 37:10, 11, 29).

 Ako mangeja te đane sar o Devel ka ćhinavi sa avera mariba, čitin o članko „Soj tano o Armagedon?“