Ko 9. oktobar 2024. berš, i Svetsko fondacija asi priroda ko po izveštaj objavinđa sar o manuša utičinena ki priroda hem ko divlja životinje. Ko poslednja 50 berš (1970-2020), o broj ando divlja životinje but pelo. Avdije isi 73% pohari životinje nego angleder. Ko izveštaj pisini: „Šaj te phena so odova so ka desini pe ko akala panđ berš, but ka utičini ki amari budućnost hem ki amari Phuv.“

 But manuša hine šokirime ked šunđe akava izveštaj, sose sare amen mangaja amari planeta hem na mangaja te dikha so o divlja životinje patinena. Osetinaja amen ađahar sose o Devel ćerđa amen te brinina amen ando životinje (Postanak 1:27, 28; Poslovice 12:10).

 Šaj pućeja tut: „Da li ka uspina te zaštitina i priroda hem e divlja životinjen?“ So phenela i Biblija?

 Bizo obzir kobor trudinaja amen te zaštitina e životinjen hem amari phuv, odova na zavisini amendar već ando Devel. I Biblija ko Otkrivenje 11:18 phenela so o Devel „[ka uništini okolen] so uništinena i phuv“. Ando akava stih sikljovaja duj buća:

1.  1. O Devel na ka dozvolini e manušenđe te uništinen i phuv.

2.  2. Ov ka ćerel diso but sigate. Sar đanaja odova? Avdije pobuter nego iked angleder, postojini bari opasnost o manuša te uništinen i priroda hem e životinjen.

 Sar o Devel ka rešini akava problemi? Prekali pi vladavina koja tani ko nebo, ov ka vladini upri celo phuv (Matej 6:10). Tegani o manuša ka sikljon sar te brininen pe andi phuv hem ando životinje (Isaija 11:9).