Premalo izveštaj ando Ujedinjena nacije:

•   Ando 7-23. oktobar 2023. berš, sebepi o maribe maškaro Izrael hem i Palestina pobuter ando 6 400 manuša mulje, a 15 200 manuša tane povredime. But olendar nane vojnikija već samo obična manuša. Uzo odova, hiljade manuša aćhilje bizo pe ćhera.

•   Ando 24. septembar 2023. berš, sebepi o maribe ki Ukrajina 9 701 manuša mulje, a 17 748 tane povredime.

 Savi nada e Devleso Lafi dela okolenđe kola but patinena sebepi o maribe?

 E Devleso Lafi phenela so o Devel ka „ćhinavi o mariba ki celo phuv“ (Psalam 46:9). Prekalo po Kraljevstvo, ov ka cidel sa o manušikane vlastija (Danilo 2:44). Odova Kraljevstvo ka rešini sa e manušenge problemija.

 Zapazin so ka ćerel o Isus Hrist, o Kralj ando Devleso Kraljevstvo:

•   „Ov ka izbavini e ćororen kola rodena lestar pomoć, e ponizno manušen hem sa okolen kola nane len nikas te pomožini len. Ka sažalini pe upro jadna hem upro ćorore, ka arakhi o đivdipe e ćororengo. Ka izbavini len ando manuša kola mangena te povredinen len hem kola mučinena len“ (Psalam 72:12-14).

 Prekalo po Kraljevstvo, o Devel ka cidel sa i dukh hem i patnja koja avdije osetinaja sebepi o mariba hem o nasilje.

•   „Ov ka kosel svako asvi kotar olenge jaćha hem na ka ovel više meribe, ni muke, ni rojbe, ni dukha. Sa so hine angleder nakhlja“ (Otkrivenje 21:4).

 Pana hari e Devleso Kraljevstvo ka ćerel bare promene ki phuv. Ko Devleso Lafi pisini so ka šuna o vestija ando mariba hem odova ćaće ovela avdije (Matej 24:6). Akala hem avera događaja mothovena so živinaja ko poslednja dive (2. Timoteju 3:1).