O Isus đanela sar tano ked patinaja sebepi o kriminal hem i nepravda. O manuša vaćerđe hovajba te bi optužinena le, marđe le, nepravedno sudinđe lese, nepravedno optužinđe le hem mudarđe le. Iako na hine krivo nisose, ov spremno „dinđa po životi sar otkupnina butenđe“ (Matej 20:28; Jovan 15:13). Pana hari, sar Kralj ando Devleso Kraljevstvo, ov ka anel i pravda ki celo phuv ađahar so jekhvar hem zauvek ka ćhinavi o kriminal (Isaija 42:3).

 I Biblija mothovi savo o sveto tegani ka ovel:

•   „O lošna više na ka oven. Ka dikhe uduri kuri hine, a on na ka oven odothe. Ama o krotka ka nasledinen i phuv, hem ka uživinen ko baro mir“ (Psalam 37:10, 11).

 Sar šaj te mothova so hijam zahvalna aso sa odova so o Isus već ćerđa hem so tek ka ćerel? Ko Luka 22:19, o Isus phenđa pe učenikonenđe te setinen pe ko oleso meribe. Odolese, svako berš e Jehovase svedokija ćedena pe te setinen pe ko dive ked o Isus mulo. Vićinaja tut te ave ko dive ked setinaja amen ko Isuseso meribe. Odova ka ovel ki nedelja, 24. mart 2024.

Arakh o najpaše than