AĆHOVEN ĐANGAVDE!
O manuša ko nasilno način mangena te ćeren promene ki politika – so phenela i Biblija?
Ko but phuvja, o manuša tane uznemirime sebepi so but putija ovena napadija ko političarija.
Ko 2023-2024. berš, đi hine o izborija ko Meksiko, 39 politička kandidatija hine mudarde.
Isto ađahar, hem ki Evropa hine but napadija upro političarija. Na primer, ki Slovačka ko 15. maj 2024. berš, manglje te mudaren e premijere.
Ko 13. jul 2024. berš, o manuša ki Amerika but potresinđe pe ked šunđe so hari falinđa o bivšo predsednik, o Donald Tramp, te ovel mudardo.
Sose isi odobor nasilje ki politika? Da li iked odova ka ćhinavđol? So phenela i Biblija?
Proreknimo tano so sebepi i politika o manuša na ka oven ko jekhipe
Ki Biblija pisini so ko amaro vreme, „ko poslednja dive“, o manuša ka oven len osobine sebepi kola ka oven nasilna hem buntovna.
„Ko poslednja dive ka ovel but pharo vreme. Sose o manuša ka oven [...] nezahvalna, neverna [...] nespremna aso bilo savo dogovor, okrutna, izdajice, tvrdoglava, ponosna“ (2. Timoteju 3:1-4).
Isto ađahar, i Biblija vaćeri so ko amaro vreme o manuša ka buninen pe protiv i vlast (Luka 21:9, fusnota). Ama, o nasilje kova avdije dikhaja hem o podele maškaro manuša na ka oven zauvek.
Pana hari o nasilje više na ka ovel
Ki Biblija pisini so o Devel ka cidel sa o manušikane vlastija hem so ka aćhol jedino oleso Kraljevstvo, kova ka vladini ando nebo.
„O nebesko Devel ka vazdel o kraljevstvo kova [...] ka phagel hem ka uništini sa odola kraljevstvija, a samo ov ka aćhol večno“ (Danilo 2:44).
E Devleso Kraljevstvo ka anel mir ki celo phuv hem sa o manuša ka oven ko jekhipe.
Ko odova kraljevstvo ka vladini „o Knez ando Mir“, o Isus Hrist, hem tegani „o mir na ka ovel le krajo“ (Isaija 9:6, 7).
Čak hem avdije, okola so birinđe e Devlesi vlast, sikljona te živinen ko mir. I Biblija olendar phenela: „On ka kovinen pe mačija ko raonikija hem pe koplja ko srpija. O manuša na ka vazden o mač jekh upro avereste niti više ka sikljon te maren pe“ (Isaija 2:3, 4).
Ako mangeja te đane pobuter, čitin o članko „So e Devleso Kraljevstvo ka ćerel?“ hem dikh o video Soj tano e Devleso Kraljevstvo?
Dikhen hem akava
STRAŽARSKO KULA
So e Devleso Kraljevstvo ka ćerel?
O Isus đanđa so e Devleso Kraljevstvo tano jedino rešenje aso amare problemija. So odova Kraljevstvo već ćerđa so uverini tut so odova ćaće ka ovel?
AĆHOVEN ĐANGAVDE!
O manuša našalena poverenje ko političarija – so phenela i Biblija?
I Biblija phenela te pazina kase verujinaja hem mothovi amenđe ko ka anel pošukar budućnost.
AĆHOVEN ĐANGAVDE!
Sose o manuša tane podelime sebepi i politika? – So phenela i Biblija?
But manuša ko celo sveto tane podelime sebepi i politika. I Biblija mothovi soj tano o rešenje – o vladari kova šaj te ćerel sa o manuša te oven ko jekhipe.
