Ko jul 2022. berš, ko sveto hine but oružana napadija:

•   „Celo phuv hine iznenadimi ked hine mudardo o japansko političar (bivšo premijer o Šinzo Abe) sose ko Japan i stopa ando kriminal tani but tikni hem isi len stroga zakonija ando oružje“ (10. jul 2022, The Japan Times).

•   „O manuša ki Danska tane šokirime odolese so jekh manuš mudarđa trine đenen ko tržno centar ko Kopenhagen“ (Rojters).

•   „Ki Južnoafričko republika, nekobor đene pucinđe ko manuša kola bešlje ko kafići ko Soveto hem mudarđe 15 đene“ (10. jul 2022, The Guardian).

•   „Ko 4. jul 2022. berš, ki Amerika, ko oružano napad hine mudarde prekalo 220 manuša“ (5. jul 2022, CBS News).

 Da li ka avel o dive ked o nasilje više na ka ovel? So phenela i Biblija?

 Premali Biblija, amen živinaja „ko poslednja dive“ ked o manuša tane but okrutna ja nasilna (2. Timoteju 3:1, 3). Sebepi odova, o manuša živinena ki dar (Luka 21:11). Ama, i Biblija phenela so pana hari više na ka ovel nasilje hem so o manuša „ka živinen ko sigurna thana, ko thana kuri niko na ka zadini len“ (Isaija 32:18). Sar ka avel o kraj ando nasilje?

 O Devel ka uništini e lošnonen hem sa o oružje.

•   „A o lošna ka oven uništime“ (Poslovice 2:22).

•   „[O Devel] ćhinavi o mariba ki celo phuv. Ov phagela o luk hem o koplje, tharela o bojna vorda“ (Psalam 46:9).

 O Devel ka ćhinavi o nasilje ađahar so ka sikavi e manušen te živinen ko mir.

•   „O lošnipe na ka ćerel pe više, niti bilo savi šteta ki celo mikli sveto gora, sose i phuv ka ovel pherdi đandipaja ando Jehova, sar soj tano o more pherdo panjeja“ (Isaija 11:9).

•   Već avdije o Devel sikavi e manušen te na oven nasilna hem te na koristinen o oružje (Mihej 4:3).

 Ako mangeja te đane pobuter ando Devleso obećanje kotar sveto bizi dar, čitin o članko „Da li je moguće osloboditi se straha?“

 Ako mangeja te đane soj tano jedino rešenje aso nasilje, čitin o članko „Mir na zemlji – konačno!“