Akana sigende o svetska vođe, o naučnikija hem o tehnolozija vaćerđe andi moć koja isi la i veštačko inteligencija (VI). On tane svesna kobor i veštačko inteligencija vredini, ama hem brininena pe so šaj te koristini pe ko lošno način.

•   „Avdije i veštačko inteligencija tani but moćno tehnologija. Oj šaj te pomožini e manušenđe te ovel len pošukar životi. . . Ama ko isto vreme i veštačko inteligencija šaj te ćerel amaro životi te na ovel odobor bezbedno, šaj te utičini ko amare manušikane pravija hem ko amaro poverenje ki demokratija“ (Kamala Haris i podpredsednica andi Amerika, 4. maj 2023).

•   „Avdije i veštačko inteligencija šaj but te pomožini ko zdravstveno sistemi, ama ko isto vreme šaj lošno te utičini ko manušengo fizičko hem emocionalno sastipe“, pisinđa i grupa ando doktorija hem stručnjakija kolen predvodinđa o dr Frederik Federšpil ko 9. maj 2023 ko članko kova ikljilo ko BMJ Global Health. a

•   „O manuša već koristinena i veštačko inteligencija te širinen o hovavne informacije. Pana hari, o manuša sebepi i veštačko inteligencija šaj te aćhon bizi buti. Disave tehnolozija darana so ki budućnost i veštačko inteligencija šaj te ovel opasnost aso manuša“ (The New York Times, 1. maj 2023).

 Sar đala o vreme, ka dićhol da li o manuša šaj te koristinen i veštačko inteligencija samo aso šukar buća ili ka koristinen la hem aso lošna buća. Ama, so i Biblija vaćeri odolestar?

 I Biblija mothovi sose o manuša našti te oven sigurna so olengi tehnologija ka koristini pe samo aso šukar buća.

1.  1. Čak ked o manuša isi len šukar namera, on našti te đanen kola posledice kasnije ka oven.

   •   „Disavo drumo e manušese dićhola ispravno, ama ko krajo legari le ko meribe“ (Poslovice 14:12).

2.  2. Nijekh manuš našti te utičini ko odova sar avera manuša ka koristinen odova so ov ćerđa.

   •   „Sa odova valjani te aćhavav e manušese kova ka avel palo mande. A ko đanela da li ov ka ovel mudro ja dilino? Ipak, ov ka ovel gospodari upro sa odova so me mekle snagaja ćerđum hem so stekninđum ađahar so hijum le mudro“ (Propovednik 2:18, 19).

 Akava mothovi so valjani amenđe vođstvo kotar Devel.

 Amaro Stvoritelj obećini so niked na ka mukhel o manuša ja olengi tehnologija te uništini i phuv ja e manušen.

•   „A i phuv aćhola zauvek“ (Propovednik 1:4).

•   „O pravednikija ka nasledinen i phuv, hem zauvek ka živinen upro late“ (Psalam 37:29).

 Prekali Biblija, amaro Stvoritelj pomožini amen te šaj te ovel amen mir hem sigurnost. Ako mangeja te đane pobuter so phenela i Biblija, čitin o člankija „Šta vam može doneti sigurnu budućnost?“ hem „Prava nada u bolje sutra.“