Pobuter buća kotar akava sajt šaj te dikhen pe bizo te ovel tut registracija ja te bićhale amenđe informacija. Ama, disave opcije tane dostupna samo okolenđe soj tane registrujime, okolenđe so bićhalena zahtevija ja molbe, ja okolenđe kase lična podatkija prekalo sajt jw.org bićhali disavi skupština kotar e Jehovase svedokija. Amen obradinaja tumare lična podatkija samo ako tumen složinena tumen odoleja. Ko disave situacije, čak hem ako tumen više na složinena tumen amen šaj te ovel amen zakonska osnove te nastavina te koristina tumare podatkija, sa đi odova tano premalo zakon.

Tumare lična podatkija kola mukhljen ko akava sajt koristinena pe samo odolese so hine obeležime ked hine bićhalde. Odova šaj te ovel akava so pisini tele:

Nalogija. Imejl adresa koja deja ked ćereja o nalog ko akava veb-sajt ka koristini pe te šaj te kontaktirina tut u vezi to nalog. Na primer, ako bistreja to korisničko anav ja ti lozinka hem rodeja pomoć te prijavine tut ko sajt, ka pomožini pe tuće ađahar so ka bićhali pe tuće jekh mejl ki adresa koja dinđan.

Molbe. Ako složineja tut odoleja ko so e Jehovase svedokija verujinena hem ako prihvatineja o pravila korišćenja ando e Jehovase svedokija, tegani šaj te koristine akava veb-sajt te šaj te ćere to korisnički nalog, te phere disavi molba ja ti skupština šaj te koristini akava veb-sajt te šaj te predajine ti molba te šaj tu te proširine ti služba. Ki svako molba tano objasnimo aso so koristini pe, na primer te proširine ti služba ja te rodel pe ili te nudini pe smeštaj aso regionalna kongresija, pokrajinska sastankija ili avera događaja. Te lična podatkija kola tane ki molba šaj te uključinen o lična podatkija kola bićhalđan tu, ja to starešina ja to pokrajinsko nadgledniko. O podatkija kola dinđan ka koristinen pe samo te obradinen pe te molbe hem te ćeren pe o administrativna buća kola tane povezime odoleja, kova uključini te ćerel pe hem to profil. O podatkija kotar ti molba šaj te oven bićhalde ko avera podružnice ja organizacije, kola ćerena buti zajedno e Jehovase svedokonencar ko avera države, ako tano diso ađahar neophodno te obradini pe ti molba. Svako molba dikhela pe sar zasebno slučaj hem o odluke na anena pe automatski.

Dobrovoljna prilogija. Ako deja prilog prekalo internet, amen na ka kosa to anav hem prezime, hem te kontakt informacije. Te šaj te primina o prilog prekalo kreditna kartice, amen koristinaja sistemija kola tane proverime prekalo kaste platini pe hem on tane but zaštitime. Šaj te dobina o finansijska informacije sar soj tano o broj andi kreditno kartica ja brojija kotar računija kola tane neophodna te šaj te obradina to prilog hem te da o potrebna informacije okolenđe kola obradinena o prilogija. Đi obradinaja to prilog koristinaja sigurna mere kola udovoljinena e standardese PCI DSS (Payment Card Industry Data Security Standard). Okova so primini o prilog zadržini odola podatkija odobor vreme kobor valjani. O vreme ka zavisini ando olese potrebe ili ando važeća zakonska zahtevija. Odova uključini o datum, kobor dinđe pe pare hem sar dinđa pe o prilog. Odova omogućini te udovoljina e finansijsko propisenđe hem te odgovorina ko svako pućibe kola šaj te pućen ko odova vreme. Tutar na ka roda pana prilogija.

Zahtev te ovel amen pobuter informacije ja biblijako kurs. Ko amaro veb-sajt šaj te roden pobuter informacije ja biblijako kurs.O lična podatkija kola tegani ka de ka koristina samo ko odova soj tano povezimo te zahteveja. Te podatkija šaj te oven dinde avere podružnicenđe ja organizacijenđe kola e Jehovase svedokija koristinena te šaj te udovoljini pe te zahtevese.

Avera svrhe. O lična podatkija (sar soj tane o anav hem o prezime, adresa hem e telefoneso brojo) šaj te den hem ko disave avera svrhe, a na samo te ćerel pe računi, te del pe molba hem te del pe prilog. Ki svako situacija sose ćedaja o podatkija jasno ka ovel o razlog sose tutar rodena pe odola podatkija. Na ka koristina te podatkija ki nijekh aver svrha koja na hine jasno vaćerdi tegani ked aćhavđan te podatkija.

Amen ćedaja, arakhaja hem koristinaja odola lična podatkija samo odolese sose dinđan len hem arakhaja o lična podatkija samo odobor kobor valjani, te šaj te ispunini pe odija svrha ja avera dinde zakonska svrhe. Ako ko odola situacije na mangljan te aćhave disave podatkija kola amen rodaja tutar, na ka šaj te omogućina tuće te khuve ko disavo deo ko sajt ja te ispunina to zahtev.

O podatkija kola dinđan ko to zahtev ja ki ti molba, dostupna tane okolenđe kola obradinena o podatkija kola tane uključime ko odova te šaj te ispuninen i svrha sose tane o podatkija ćedime hem/ja e tehnička službenđe kola ćerena o buća povezime odoleja te funkcionišini hem te održini pe o sistemi. Nikase na daja tumare lična podatkija, osim (1) ako tano neophodno te šaj te ispunini pe tumaro zahtev, ama kolestar angleder phenđam tuće jasno, (2) ako premalo o zakoni ja i odredba isi amen ozbiljno razlog te mislina so valjani te de te lična podatkija, (3) ako odova rodena o vlastija hem (4) ked tano neophodno te šaj te arakhi pe hem te ćhinavi pe i prevara koja šaj te anel đi o tehnička problemija hem te rizikujini i bezbednost. Ked koristineja akava veb-sajt mothoveja so složineja tut te bićhala te lična podatkija ki trito strana samo sebepi o razlogija kolendar vaćerđam đi akana. O lična podatkija kola dinđan, nisar na ka ćerel pe trgovina olencar.

Akija versko organizacija ćerela pi buti prekalo celo sveto hem odova prekalo pravna tela kola tane registrujime ko različita phuvja. Disave kotar serverija ko kola tano amaro veb-sajt, smestime tane ko Sjedinjena Države. Šaj te bićhale te podatkija ko avera države, so značini so te podatkija šaj te resen ki phuv koja nane la isto nivo zaštita ando podatkija savi isi la ti phuv. Te šaj te obradina hem te bićhala te lična podatkija, preduzminaja određena mere te šaj te zaštitina len. Ađićeraja kotar sa organizacije kola e Jehovase svedokija koristinena ja kola podržinena olengi buti te ićeren pe ko amare pravilija sar te zaštitinen pe o podatkija, isto ađahare hem ko zakonija hem pravilija kola odnosinena pe ko lična podatkija.

Ked khuveja ko akava veb-sajt ja aveja amencar ko kontakt prekalo imejl, tu tegani složineja tut te lična podatkija te oven bićhalde ko inostranstvo.

Uvek keda obradinaja te lična podatkija, preduzminaja razumna mere, te podatkija te oven tačna hem te oven ažuririme te šaj te koristinen pe odolese sose tane ćedime. Zavisini ki phuv kaj živineja hem o lokalno zakoni kotar zaštita ando lična podatkija, šaj te ovel tut pravija kolendar ka vaćera akana:

• Premalo zakoni kova važini ki ti phuv, šaj te rode o informacije odolestar sar ćedena pe hem sar koristinena pe te lična podatkija.

• Šaj te rode te khuve andre, te ispravine, te kose ja te blokirine o lična podatkija ako on nane potpuna ja nane tačna.

• Ako isi tut zakonsko osnova odolese, šaj te bićhale žalba te obradinen pe te lična podatkija hem te rode te ćhinava te koristina te lična podatkija.

Ako ki phuv ki koja živineja postojinena zakonija kotar zaštita ando lična podatkija hem mangeja te khuve ko te podatkija, te ispravine len ja te kose len, o kontakt informacije šaj te arakhe ki stranica Zaštita ando podatkija: kontakti.

Ked priminaja to pismeno zahtev, palo odova so bićhalđan dovoljno dokazija ko hijan tu hem dovoljno informacije te šaj te arakha te lična podatkija, okova soj tano odgovorno te kontrolišini o podatkija, realno ka dikhel da li šaj te udovoljini pe te zahtevese ađahar so ka procenini da li nekaso zahtev ka ovel ispunimo te khuvel ko pe lična podatkija, te ispravini len ja te kosel len ko bilo kova način so šaj te ugrozini o pravna interesija andi organizacija, kuri tane o pravija andi organizacija ki sloboda andi veroispovest hem odova so ćerena. Ando neophodna promene ka obavestina hem i trito strana.

Molinaja tut te ovel tut ki godi so te podatkija šaj na ka oven koslje ako o zakoni rodela on pana ponodri te obradinen pe ja te arakhen pe. Na primer, i versko organizacija mangela trajno te arakhi o podatkija ando lično status e Jehovase svedokonengo. Ako kosena pe esavke podatkija, ozbiljno ka oven ugrozime o verska običaija hem o verovanja andi akija organizacija. Ko sa o zahtevija te kosen pe o lična podatkija primenini pe o zakon ando podnosibe o izveštaj hem te arakhen pe o dokumentija, kola hijam dužna te poštujina.Uzo odova, i žalba ki obrada ando lična podatkija kola dinđan amenđe prekalo akava veb-sajt šaj te de lokalno vlastenđe kola bavinena pe andi zaštita kotar lična podatkija.