I međunarodno versko organizacija kotar e Jehovase svedokija („versko organizacija“) poštujini o pravo e manušeso andi privatnost hem i zaštita ando lična podatkija. Akija versko organizacija smatrini so i phravdi hem i iskreno komunikacija, a isto adžahar te čeden pe o lična hem o osetljiva podatkija kotar manuš tane neophodna te šaj te udovoljini pe odova so valjani e Jehovase svedokonendže hem te čerel piklji versko hem humanitarno buti, ama isto adžahar te arakhi pe hem te zaštiti pe i poverljivost kotar odola podatkija (Godžalje lafija 15:22; 25:9). Amendže i poverljivost tani but važno (Godžalje lafija 20:19).

Ko but Phuvja isi zakonja kola garantujinena o pravo e manušeso andi privatnost. Akija versko organizacija počmija te poštujini i privatnost hem te arakhi i poverljivost but berša angljeder te oven asavke zakonja. I versko organizacija ka produžini te zaštitini o informacije koja isi la, sar so čerela dži akana.

O načelo te zaštitinen pe o podatkija. I versko organizacija koristini sa o lična podatkija, dži ičeri pe ko akala načelija:

1. O lična podatkija koristinena pe pošteno hem zakonski.

2. O lična podatkija čedena pe, obradinena pe hem koristinena pe samo odobor kobor valjani te šaj te čerel pe i versko hem i humanitarno buti kotar akija versko organizacija.

3. O lična podatkija tane tačna hem redovno ažuririnena pe. Svako greška ko vakti ka ovel koslji ked i organizacija ka dikhel so postojini odija greška.

4. O lična podatkija arakhena pe odobor kobor valjani te šaj te ispunini pe o zakonsko cilj andi versko organizacija.

5. Posebno pažnja obratini pe ko odova te poštujini pe o pravo e manušeso kase podatkija isi amen.

6. Ka preduzminen pe odgovarajuća organizaciona hem tehnička mere, te šaj te na ovel neovlašćeno hem nezakonito otkrijime o lična podatkija. Sa o podatkija, kola čedena pe ko kompjuter, arakhena pe adžahar so čhivela pe lozinka koja džanela la samo o manuš kova isi lje pravo. Ked završini pe o radno vreme, o kancelarije phanena pe ko kljičo hem andre šaj te khuven samo o ovlašćena manuša.

7. O podružnice na dena jekh jekhese o lična podatkija, osim ako odova nane neophodno te čerel pe i versko hem i humanitarno buti andi versko organizacija. Ama, te šaj te čerel pe odova, e Jehovase svedokija dozvolindže odova, adžahar so on kokri odlučindže te oven e Jehovase svedokija.

Akala načelija kola vačerena sar te zaštitinen pe o lična podatkija primeninena pe hem ko odova te koristinen pe o lična podatkija, sostar hem vačeri pe ki knjiga Organizovano izvršavajmo Jehovinu volju, koja svako ando Jehovaso svedoko dobini ked ovela objavitelj. Pobuter informacije šaj te arakhen ki odija knjiga.

E Jehovase svedokija poštujinena o pravo e manušeso kotar zaštita ando lična podatkija hem o osetljiva lična podatkija, isto adžahar hem te ispravinen pe ja te kosen pe o lična podatkija ja o osetljiva lična podatkija sar so pisini ko Opšta pravilija sar te koristinen pe o lična podatkija ko podnaslov Tumare prava.

Akala Opšta pravilija andi privatnost kotar e Jehovase svedokija te zaštitinen pe o lična podatkija tane o osnovna načela prekalo kola e Jehovase svedokija ko celo sveto koristinena o lična podatkija.