Ο Πρώτος Γράμμας σο Μπουτσσάντιλο κο Κορίνθιοι 2:1-16
2 Οτθάρ, κάνα αβιλόμ τουμέντε, πφραλάλεν, να αβιλόμ για τι σικαβάβ ότι βακεράβα μπουτ σουκάρ λάφια ή ότι ισινόμ γκοντιαβέρ καζόμ μουτθαβάβας τουμένγκε ο γκεραντό πράγμας* ι Ντεβλέσκο.
2 Κάνα ισινόμας τουμέντζαρ, αποφασιντόμ μα τι βακεράβ τουμένγκε καεκχέ γιαβερέ πραγμάσκε αλλά σάντε ι Ιησού Χριστόσκε ντα ότι ιμπλάντιλο κο κας.
3 Κάνα αβιλόμ τουμέντε, ισινόμας μπίζουρανο ντα ιζράβας κατά νταρ.
4 Κάνα κερντόμ τουμένγκε λάφι ντα σικλιαρντόμ-τουμέν, να κερντόμ-τουμέν τι πακιάν λαφίντζαρ σο βακερένα ο γκοντιαβέρ τζενέ, αλλά λαφίντζαρ σο σικαβένα ι ζορ ι Ντεβλέσκε πνευμάσκι.
5 Κερντόμ-λες ανταβά για μα τι πακιάν ο γκοντιαβέρ λάφια ι τζενένγκε, αλλά ι ζορ ι Ντεβλέσκι.
6 Αλλά βακεράσα γκοντιαβέρ λάφια οντουλένγκε σο ισί πνευματικά ζουρανέ.* Ανταλά γκοντιαβέρ λάφια νανέ ανταλέ ντουνιάσταρ* ούτε κατά άρχοντες σο τθερέλα ανταβά ντουνιάς, σο κα καταστραφίντιβεν.
7 Βακεράσα εκχέ γκεραντέ πραγμάσκε,* σο ισί ο γκοντιαβέρ λάφια ι Ντεβλέσκε σο ισί γκεραντέ. Ο Ντεβέλ αποφασιντάς ανταλέ γκεραντέ πραγμάσκε πριν μπουτ βακίτι για τι δοξάντιβας αμέν.
8 Ανταλά γκοντιαβέρ λάφια να σικλιλό-λεν καέκ κατά άρχοντες ανταλέ ντουνιάσκε,* σόσκε άμα κα σικλιόνας-λεν να κα ιμπλαβένας κο κας αμαρέ μπαρέ Κυριός.
9 Αλλά σαρ ισί γραμμέ: «Γιακχ να ντικχλάς ντα καν να ασουντάς, ντα να νακχλέ καεκχέ τζενέσκε γκοντιάταρ οντουλά σο ετοιμαντάς ο Ντεβέλ οντουλένγκε σο μανγκένα-λες».
10 Αλλά αμέντε σικαντάς-λεν ο Ντεβέλ αντράλ πι πνευμάσταρ, σόσκε ο πνεύμας ρόντελα λατσσές σαρέ ο πράγματα, ατζέ-ντα ο αχόρτ πράγματα σο τθερένα τι κερέν ι Ντεβλέσαρ.
11 Κον τζανέλα ο σκέψεις εκχέ γιαβερέ τζενέσκε; Ο κάθε τζενό τζανέλα σάντε οντουβά σο τθερέλα αντρέ πιρέ γκίστε.* Αντικάς ο πράγματα ι Ντεβλέσκε-ντα καέκ να σικλιλό-λεν, αλλά σάντε ο πνεύμας ι Ντεβλέσκο.
12 Αμέν να λιντάμ ο πνεύμας ι ντουνιάσκο, αλλά ο πνεύμας σο ισί κατά Ντεβέλ, για τι σικλιάς ο πράγματα σο ντιντιλέ αμέντε λατσσιμάσαρ κατά Ντεβέλ.
13 Ντα κεράσα λάφι ανταλέ πραγματένγκε, όχι λαφίντζαρ σο σικλιαρντέ ο γκοντιαβέρ τζενέ, αλλά λαφίντζαρ σο σικλιαρντάς ο πνεύμας ι Ντεβλέσκο, για τι εξηγίνας πνευματικά πράγματα πνευματικέ λαφίντζαρ.
14 Αλλά οντουβά σο οδηγίντιβελα κατά πράγματα σο μανγκέλα λέσκο γκι* να δεχτίνελα ο πράγματα σο σικαβέλα ο πνεύμας ι Ντεβλέσκο, σόσκε ντικχίντιβενα λέσκε ντινιλιπέ. Ναστί αγαβέλα-λεν, σόσκε πρέπει τι τθερέλ ο πνεύμας ι Ντεβλέσκο για τι ρόντελ-λεν.
15 Όμως, οντουβά σο οδηγίντιβελα κατά πνεύμας* αγαβέλα-λεν σαρέ,* αλλά λες να κρίνελα-λες καέκ τζενό.
16 Σόσκε «κον τζανέλα ι γκοντί ι Ιεχωβάσκι,* για τι μπορίνελ τι σικλιαρέλ-λες;» Αμέν όμως τθεράσα ι γκοντί ι Χριστόσκι.
Υποσημειώσεις
^ Γιαβέρσοϊ «ο άγιος μυστικός».
^ Γιαβέρσοϊ «σο ισί ώριμοι».
^ Γιαβέρσοϊ «εκχέ άγιε μυστικόσκε».
^ Κι Πουρανί Μπαλαμανί βακέρντιβελας «πνευμάστε».
^ Κι Πουρανί Μπαλαμανί ισινέ ο λάφι «σαρκικός τζενό».
^ Κι Πουρανί Μπαλαμανί ισινέ ο λάφι «πνευματικός (τζενό)».
^ Γιαβέρσοϊ «ρόντελα σαρέ ο πράγματα».
