Ο Πρώτος Γράμμας σο Μπουτσσάντιλο κο Τιμόθεος 2:1-15
2 Πο μπουτ σαρέ κατά γιαβερά πράγματα, βακεράβα σαριλένγκε τι κερέν προσευχή, τι μολίνεν* ι Ντεβλές ντα τι βακερέν λέσκε ευχαριστώ σαβέ τι μανγκές τζενένγκε.
2 Βακεράβα τι κερέν-λες ανταβά εμ ι βασιλιαδένγκε ντα σαρέ οντουλένγκε σο κερένα κουμάντος, ντα αντικάς αμέν τι τζουβντιάς ήρεμα ντα ήσυχα, τι αβάς τζενέ σο ισί ντιπ αφοσιωμέ κο Ντεβέλ ντα σκεφτίνενα σοβαρά.
3 Ανταβά κερέλα ο γκι ι Ντεβλέσκο σο σώνελα-αμέν ντα ισί λατσσό λέσκε γιακχίντε.
4 Οντουβά σο μανγκέλα ισί τι σώντιβεν σαβέ τι μανγκές τζενέ ντα τι σικλιόν ντιπ λατσσές ι αλήθεια.
5 Εκ Ντεβέλ υπαρχίντιβελα, ντα εκ ισί οντουβά σο βοηθίνελα κι συμφωνία σο κερέλα ο Ντεβέλ ι τζενέντζαρ, εκ τζενό, ο Χριστός Ιησούς.
6 Βοβ ντινάς πι ζωή λύτρος* σαριλένγκε.* Ο τζενέ κα κερέν λάφι ανταλέσκε κο βακίτι σο τραμπίντιλο.
7 Άκ’ σόσκε τσσουντάς-μαν ο Ντεβέλ τι μουτθαβάβ λέσκε λάφια ντα τι αβάβ απόστολος, για τι σικλιαράβ ι τζενέν σο ισί γιαβερέ τθεμένταρ τι πακιάν κο Ντεβέλ ντα τι τζανέν ι αλήθεια. Βακεράβα ι αλήθεια, να χουχαβάβα.
8 Οτθάρ, κο κάθε τθαν σο γκιντίντιβενα μανγκάβα ο μουρσά τι προσευχίντιβεν. Κάνα βάντενα πουμαρέ βαστά κάρινγκ κο ουρανός για τι προσευχίντιβεν, τι κερέν-λες ανταβά πάκι γκίσαρ ντα μα τι χολιάνεν ούτε τι τζαν κόντρα κο γιαβερά πουμαρέ λαφίντζαρ.
9 Ντα ο τζουβλιά, για τι αβέν σουκάρ, μα τι ανησυχίνεν σαρ κα κχουβέν πουμαρέ μπαλά* ντα σο χρυσάφι, μαργαριτάρια ή πααλίς σέα κα ιρίν. Αλλά ο τρόπος σο ιριαβένα-πες τι αβέλ λατσσό,* σεμνός ντα γκοντιαβέρ.*
10 Βα, για τι αβέν σουκάρ, τι κερέν λατσσέ πράγματα σαρ τζουβλιά σο ισί αφοσιωμέ κο Ντεβέλ.
11 Κάνα η τζουβέλ ασουνέλα ο σικλιαριπέ, τι αβέλ ήσυχη* ντα τι ντελ καν κο μουρσά.
12 Να μουκχάβα εκχέ τζουβλιά τι σικλιαρέλ ή τι κερέλ κουμάντος εκχέ μουρσές. Αλλά τι αβέλ ήσυχη.*
13 Επειδή πρώτα κερντιλό ο Αδάμ ντα σοράν η Εύα.
14 Ντα ο Αδάμ να χουχάντιλο, αλλά η τζουβέλ χουχάντιλι ντιπ ντα αμαρτιντάς.
15 Όμως, εκ τζουβέλ κα ατσσόλ αρακχαντί άμα κα κερέλ τσσαβέν ντα άμα κα συνεχίνελ τι αβέλ πιστή, τι σικαβέλ αγάπη, τι αβέλ άγια ντα γκοντιαβέρ.*
Υποσημειώσεις
^ Κι Πουρανί Μπαλαμανί ισινέ ο λάφι «δέηση». Ισί εκ τατί προσευχή σο κερέλα εκ τζενό ντιπ αντράλ πι γκίσταρ ντα νικαβέλα μπουτ ζουρανέ συναισθήματα.
^ Ισί κάτι σο ντιντιόλα ντα τθερέλα ι ίδια αξία οντουλέσαρ σο χασάρντιλο.
^ Γιαβέρσοϊ «σαβέ τι μανγκές τζενένγκε».
^ Δηλαδή μα τι κερέν υπερβολικά πουμαρέ μπαλά.
^ Γιαβέρσοϊ «αξιοπρεπής».
^ Γιαβέρσοϊ «λογικός».
^ Γιαβέρσοϊ «τι αβέλ ήρεμη, μα τι κερέλ λάφι».
^ Γιαβέρσοϊ «τι αβέλ ήρεμη, μα τι κερέλ λάφι».
^ Γιαβέρσοϊ «λογική».
