Ο Πρώτος Γράμμας σο Μπουτσσάντιλο κο Τιμόθεος 3:1-16
3 Ανταβά σο κα βακεράβ ισί μπαγιά: Άμα εκ τζενό μανγκέλα μπουτ τι αβέλ πρεσβύτερος,* μανγκέλα κάτι λατσσό.
2 Εκ πρεσβύτερος πρέπει τι τζουβντιόλ τροπόσαρ σο καέκ να κα μπορίνελ τι κατηγορίνελ-λες, τι τθερέλ σάντε εκχέ ρομνιά, τι αβέλ ισορροπημέ σαρέ κο πράγματα, τι αβέλ γκοντιαβέρ,* τι κερέλ ο πράγματα εκχέ σειράσαρ, τι αβέλ φιλόξενος* ντα τι τθερέλ ι ικανότητα τι σικλιαρέλ.
3 Μα τι ματιόλ, μα τι κερέλ ζιάνι κο γιαβερά, αλλά τι αβέλ λογικός, μα τι χαλ-πες ντα μα τι μανγκέλ μπουτ ο λοβέ.
4 Τι αβέλ μουρς σο κερέλα κουμάντος πι κχερέστε λατσσέ τροπόσαρ ντα τι τθερέλ τσσαβέν σο ντένα καν ντα τθερένα λατσσί συμπεριφορά,
5 (σόσκε άμα εκ τζενό να τζανέλα σαρ τι κερέλ κουμάντος πι κχερέστε, σαρ κα φροντίνελ ι κχανγκιρί ι Ντεβλέσκι;)
6 Μα τι αβέλ νεβό μαθητής, για μα τι πφερντιόλ μπαρικανιπέ, ντα αντικάς τι κρίντιβελ σαρ κρίντιλο ο Μπενγκ.
7 Ντα πρέπει τι τθερέλ λατσσό ναβ οντουλέντε σο νανέ κατά κχανγκιρί για μα τι λατζάντιβελ ντα τι περέλ κι παγίδα κι Μπενγκέσκι.
8 Ο διακονικοί υπηρέτες-ντα πρέπει τι αβέν σοβαροί, μα τι αβέν ντουέ μουένγκε,* μα τι πιν μπουτ μολ ντα μα τι μανγκέν τι κερδίνεν πράγματα πουμαρέ νεαυτόσκε μπέτι τροπόσαρ.
9 Τι ατσσικιαρέν ι Χριστιανική πίστη, σο ισί εκ γκεραντό πράγμας* ι Ντεβλέσκο, ντα τι τθερέν πάκι συνείδηση.*
10 Πρώτα τι δοκιμάντιβεν για τι ντικχίντιβελ άμα μπορίνενα τι κερέν ανταγιά υπηρεσία, ντα σοράν τι υπηρετίνεν σαρ διακονικοί, αφού καέκ να κατηγορίνελα-λεν.
11 Ντα ο τζουβλιά πρέπει τι αβέν σοβαρές, μα τι τσσουβέν ψεύτικα λάφια καεκχέσκε, τι αβέν ισορροπημέ ντα πιστές σαρέ κο πράγματα.
12 Ο διακονικοί υπηρέτες τι τθερέν σάντε εκχέ ρομνιά ντα τι κερέν κουμάντος λατσσέ τροπόσαρ πουμαρέ τσσαβέν ντα πουμαρό κχερ.
13 Επειδή ο μουρσά σο υπηρετίνενα λατσσέ τροπόσαρ κερένα λατσσό ναβ ντα μπορίνενα τι κερέν λάφι μπίνταρανες για την πίστη σο τθερένα κο Χριστός Ιησούς.
14 Γραφίναβα-λεν τούκε ανταλά, παρόλο σο πακιάβα ότι κα αβάβ τι ντικχάβ-τουτ ατζεχάνικ.
15 Άμα όμως κα αργίναβ τι αβάβ, γραφίναβα-λεν τούκε για τι τζανές σαρ πρέπει τι τζουβντιός κι φαμιλί κι Ντεβλέσκι, σο ισί η κχανγκιρί ι τζουβντέ Ντεβλέσκι, η κολόνα ντα ο θεμέλιος ι αληθειάκο.
16 Σίγουρα, ισί μπαρό ο γκεραντό πράγμας* σο τθερέλα τι κερέλ με την αφοσίωση κο Ντεβέλ: “Ο Ιησούς αβιλό τζενό, ο Ντεβέλ βακερντάς ότι ισί δίκαιος κάνα ντινάς-λες πάλι ουράνιος σώμας, γκιλό κο άγγελοι, λέσκε μουτθάντιλο κο τθεμά, τζενέ κο ντουνιάς σικαντέ πίστη λέστε, λιντιλό κο ουρανός ντα δοξάντιλο”.
Υποσημειώσεις
^ Γιαβέρσοϊ «επίσκοπος».
^ Γιαβέρσοϊ «λογικός».
^ Γιαβέρσοϊ «τι σικαβέλ λατσσιπέ κο ξένοι».
^ Γιαβέρσοϊ «μα τι χουχαβέν ι γιαβερέν πουμαρέ λαφίντζαρ».
^ Γιαβέρσοϊ «εκ άγιος μυστικός».
^ Γιαβέρσοϊ «ο άγιος μυστικός».