Ο Δεύτερος Γράμμας σο Μπουτσσάντιλο κο Τιμόθεος 3:1-17
3 Τι τζανές όμως ότι κο τελευταία ντιβεσά ο πράγματα κα αβέν δύσκολα ντα επικίνδυνα.
2 Επειδή ο τζενέ κα μανγκέν σάντε πουμαρό νεαυτός, κα μανγκέν μπουτ ο λοβέ, κα ισαρέν-πες, κα αβέν μπαρικανέ, κα βακερέν λάφια σο τζάνα κόντρα κο Ντεβέλ ντα κο τζενέ, να κα ντεν καν πουμαρέ νταντέστε ντα πουμαρέ νταγιάτε, κα αβέν αχάριστοι, να κα αβέν αφοσιωμέ,
3 να κα μανγκέν μπαγιά ι γιαβερέν, να κα μανγκέν τι αλλάνεν γνώμη, κα τσσουβέν ψεύτικα λάφια ι γιαβερένγκε, να κα ατσσικιαρέν πουμαρό νεαυτός, κα αβέν άγριοι, κα μισίνεν οντουβά σο ισί λατσσό,
4 κα αβέν προδότες, πφαρέ σορέσκε, πφερντέ μπαρικανιπέ, τζενέ σο μανγκένα ο απολαύσεις ντα όχι ι Ντεβλές,
5 σο κερένα-πες ότι υπηρετίνενα ι Ντεβλές, αλλά ανταβά να κα σικάντιβελ κατά τρόπος σο κα τζουβντιόν. Ασακέ τζενένταρ τι νασές ντουρ.
6 Ανταλένταρ αβένα τζενέ σο τσσουβένα-πες πφιρνιμάσαρ* κχερέντε ντα χουχαβένα μπίζουρανε τζουβλίν σο κερένα μπουτ αμαρτίες. Ανταλέ τζουβλίν κερένα-λεν κουμάντος οντουλά σο μανγκέλα λένγκο γκι
7 ντα πάντα σικλιόνα, αλλά ποτές ναστί αγαβένα ντιπ λατσσές ι αλήθεια.
8 Οτθάρ, σαρ ο Ιαννής ντα ο Ιαμβρής γκιλέ κόντρα κο Μωυσής, αντικάς ανταλά τζενέ-ντα τζάνα κόντρα κι αλήθεια. Η γκοντί ασακέ τζενένγκι ισί ντιπ πφιρνικανί, ντα να κερένα ι Ντεβλέσκο γκι κο πράγματα σο τθερένα τι κερέν με την πίστη.
9 Όμως, ναστί κα κερέν τίποτα γιαβέρ, σόσκε λένγκο ντινιλιπέ κα ντικχίντιβελ σαριλέντε, σαρ ντικχίντιλο ο ντινιλιπέ-ντα οντουλέ ντουέ μουρσένγκο.
10 Αλλά τούι ασουντάν μπουτ λατσσές οντουλά σο σικλιαρντόμ, κερντάν οντουλά σο κερντόμ μι ζωγιάτε, τθερέσα ο ίδιος σκοπός μάντζαρ, ντικχλάν μι πίστη, μι υπομονή, μι αγάπη ντα οντουλά σο νταϊντιντόμ.
11 Τζανέσα ότι γκιλέ μάντζαρ κόντρα ντα τσσιντιντόμ μπουτ κι Αντιόχεια, κο Ικόνιος ντα κο Λύστρα. Νταϊντιντόμ-λεν σαρέ ανταλά, ντα ο Κύριος σωντάς-μαν σαρέ ανταλένταρ.
12 Ο τζενέ κα τζαν κόντρα σαρέ οντουλέντζαρ σο μανγκένα τι τθερέν αφοσίωση κο Ντεβέλ σαρ μαθητές ι Χριστόσκε, ι Ιησούσκε.
13 Αλλά πφιρνέ τζενέ ντα απατεώνες, καζόμ τζάλα κα αβέν χειρότεροι, κα χουχαβέν ντα κα χουχάντιβεν.
14 Όμως, τούι μα τι τσσιναβές τι πακιάς ο πράγματα σο σικλιλάν ντα αβιλάν σίγουρος ανταλένγκε. Τζανέσα κατάρ σικλιλάν-λεν
15 ντα χουρντιαρέλα μπερί τζανέσα ο άγια βιβλία. Ανταλά μπορίνενα τι κερέν-τουτ γκοντιαβέρ για τι σώντιβες επειδή τθερέσα πίστη κο Χριστός Ιησούς.
16 Σαρί η Γραφή ισί κατά Ντεβέλ.* Ισί λατσσί για τι σικλιαρέλ ι τζενέν, τι σικαβέλ λένγκε σο ισί λάθος, τι τσσουβέλ εκχέ σειράτε* ο πράγματα ντα τι διορθώνελ ι τζενέν για τι κερέν οντουβά σο ισί δίκαιος.
17 Αντικάς, ο υπηρέτης ι Ντεβλέσκο τι αβέλ ντιπ ικανός, ντιπ έτοιμος για τι κερέλ κάθε λατσσό πράγμας.
Υποσημειώσεις
^ Γιαβέρσοϊ «γκεραλιμάσαρ, μπίλατσσιμασαρ».
^ Γιαβέρσοϊ «γραφίντιλι κατά Ντεβλέσκο πνεύμας».
^ Γιαβέρσοϊ «τι διορθώνελ».
